Risk: The Lord of the Rings 魔戒

「…History became legend, Legend became myth. And for two and a half thousand years, the ring passed out of all knowledge. Until, when chance came, the ring ensnared a new bearer.…」

魔戒既故事，相信係人都知，如果你到依家都未睇過魔戒，咁以下既介紹基本上都唔洗睇喇。

簡介:
在魔戒重臨既時代，玩家們分別扮演正義之仕或者係魔君的爪牙，在中土大地上征戰，正義一方誓必要將魔戒撒底消滅，而邪惡魔君一方則要奪下魔戒再次號令天下。

特色:
雖然係RISK既系列，但地圖係中土世界，魔戒中大部份既地區都在地圖上標示，部份戰場如米那斯提力斯，艾辛格等都有在列成為要塞，全Game以電影魔戒為藍本改造，當中既Adventure Cards有不少電影既劇照，而當然，魔戒既主角，黎到RISK LOTR 至尊魔戒當然亦係主角，數百個士兵minis，分正邪2派不同造形，而每派既兵士亦有分為1，3及5既兵力單位造形。而最與別不同之處，就係關於魔戒既勝利條件，搶回魔戒或是被掉入末日火山！

玩法內容:

在此介紹既係4個玩法之中，我認為最有趣的TEAM RISK模式:
遊戲支持最多4個玩家，一般玩法與傳統RISK分別不上，但地圖上有不少Stronghold，成為兵家必爭之地，防守方在此戰鬥時，防守骰最高果粒可獲加1調整。另外玩家會有2個Leader，Leader用於增加戰鬥力，亦可用於佔領Power Site後領取一張Adventure Card，Adventure Card包括Mission , Event 及 Power。Mission用於當你成功執行其內容，你可獲得一些獎勵，而正邪2方的獎勵是不同的，已分別詳列如每張Mission Card上。至於Event Card則是關於整個中土世界發生既事件，可能係某些地方兵力增加減少，或者係有關魔戒團既幫助或阻礙等。而最後既Power Card則是用於戰鬥，行動或對魔戒團既行進造成影響等。

左起Mission，Event，Power咭。

魔戒既土地已預設了屬於正義，邪惡或是中立，故此選擇正義一方的起始兵力分布會跟據魔戒既故事布置，如聖盔谷必然在起始時屬於正義一方，相反末日火山，黑門等必然屬於邪惡一方。至於中立地則會於每場開局時隨機被雙方控制，故此，大致上既布局每次會係差唔多，唔會出現正義一方係末日火山，邪惡一方係Shire既混亂情節。

金色為要塞，黑色為Power Site，虛線為魔戒團路線。

至於主角至尊魔戒，會放係起始地點Shire，並將之視為魔戒團(the Fellowship)，魔戒團每個回合都會向前進，除非進入了地圖上標示有骰既位置，則需通過擲骰檢定才可繼續向前，如矮人既地下城，蜘蛛屍羅既巢穴等就需要擲骰檢定，否則就會停留，而移動既路線亦已標記在地圖上，雙方玩家無法改變魔戒團既行進路線，有關路線將如實跟據電影魔戒既內容設計。

故此雙方一方面會係中土大地互相交戰，而目的就係間接護送魔戒團進入末日火山，或者係在將魔戒消滅前將魔戒奪回！

由於魔戒團既前進每回合都會進行，故此正義一方不能袖手旁觀，必需間接協助魔戒團，就如電影般，正義一方最終為了成全魔戒團走上末日火山，不惜全員主動攻打魔多以吸引邪眼的注意，在本遊戲中也有類似既意義。而邪惡一方既目的則要奪回魔戒，但要奪得魔戒也不容易，當每次移動魔戒團前，如魔戒團身處於邪惡一方的領地上，戒靈就會嗅到有關的訊息，追獵就會開始，邪惡一方會擲2粒 6面骰，如總數為12或以上則代表成功奪得魔戒，邪惡一方立即勝利，如失敗，魔戒團則暫時安然繼續旅程。要擲出12不是很難嗎？是的，故此一些Power咭可以對魔戒團既行進進行阻礙，與此同時，邪惡一方需要盡量擴張領地，令魔戒團既行進路線都在邪惡一方的控制，則奪得魔戒既機會就會增加，如果追獵時有Leader在場，骰出既結果會+1，而又如果整個區域都為邪惡一方所控，則骰出既結果亦會+1，換句話說，邪惡一方只需擲出10，再加上以上條件就能奪回魔戒，索倫魔君重生。如果魔戒團成功到達末日火山，正義一方就可執行將魔戒掉落火山既行動，如擲出4或以上則成功，否則要待下一回合才能再嘗試，直至成功為止，正義一方就會勝利。

總結:
本遊戲除了以上既玩法外，亦有以計分作為勝負判斷，玩家不能對魔戒進行追獵，一旦魔戒掉落末日火山遊戲就會結束計分。整體感覺流暢，Event Card，Power Card亦令單調既RISK生色不少，再加上魔戒既系統，玩家容易代入其中，而且因為有機會會突然勝利或失敗，過程想必大為緊張。玩家因為分為2個陣營，故如4人遊戲就有一些合作既因素存在。最令我滿意既地方係魔戒團既設計，作為一款RISK系遊戲，將濃厚的魔戒Feel簡單地呈現。
如果你喜歡魔戒，又喜歡簡單得黎又有一些咭牌出下既戰鬥模式，又玩厭左一般RISK系既地圖及勝負方式以及玩者人數唔多既話，即使只有2-3人，相信都可以好好地享受此遊戲的。在這介紹既遊戲係Trilogy Edition，在此之前有另一個version係非全中土的地圖的。

後記：在BGG看到有人將魔戒的三種兵種造形由代表兵力1，3，5轉為代表兵種，兵種既戰力及成本當然有所不同，亦需對遊戲作一些微調，個人認為實不失為好方法，可以加強戰略深度，相信會更有趣，有興趣都可以試試。
在我查看說明書時，發覺可以將遊戲中既Leader以FFG出既 War of the Ring入面既英雄代替，相信會更有Feel的。

評分：★★★
策略度：★★☆
簡易度：★★☆
耐玩度：★★☆
氣氛：★★★☆
(5星最高)