簡介:
玩家帶領住古代7大文明，從落後既時代不斷建設尋求自已一套既治國模式，最終建設代表你文明既奇蹟留傳後世，受萬民敬仰。
特色:
美術一流既咭Game，多變既得分路線，集建設，競爭，資源管理，手牌管理，而又無多餘既技能牌戰術牌去影響遊戲，玩家只能集中精力建設你既國家從不同既方向找尋最適合本國既路線以贏得最高既分數，遊戲時間唔長，可參與既玩家可達7位，亦有一定程度上的互動。
內容玩法:
最多支援7個玩家，每人拿取一個古代明文既圖版作為本國，圖版左上方有起始資源，下方則有建設本國奇蹟每個階段所需的資源數及奇蹟興建既進度。
依據人數拿出一定數量既牌，並從10個總路線牌(GUILD)視乎人數抽若干牌加入至時代III，牌分為3個時代，在咭背已標明為I，II，III，當一個時代既牌用完就會進入下一個時代，所有牌階為建築，首先每人從時代I抽7張牌，每個時代分為6個回合，每個回合玩家可以建設一個建築或棄一張牌以換取金錢，打出或棄牌後將手牌移交該時代註明方向的玩家，然後完結一個回合，下一家完結回合後就會拿取你交給他的手牌作為佢下一回合的手牌。
由此可見，你可以大約估計你下家玩家可以得到什麼牌，而到你回合時你應從中選擇打出那張對你最有利既建築或是將對你對手有理既牌棄去，你不時需要選擇，時代一直至到每人餘下一張手牌就會完結，準備進入下一時代。
 |
| 白色:工藝 紅色:軍事 綠色:科技 藍色:繁榮 |
目前來說，時代I既牌多數為資源，你必需有相應的資源才能建設一些更強大既建築，你亦可任意付款從你左或右方既鄰國進行貿易購買他們可以生產既資源以滿足一次建設所需。部份建築可以免費興建，但前提是你在之前一個時代已經興建了相關建築，否則你就需要提供所關資源去建設了。
咭牌左上角為需要的資源數，最上方為提供的資源/計分，左下角係建築的名稱，正下方既數字係玩家人數該咭牌應否移出遊戲，右下方既建設物名稱代表你可以在下一個時代免費興建。
資源並無寶物token，亦不能保留，一round未用完都唔可以keep，所以如果你只有一個"木"既資源提供，你無法建設一個需要2個"木"既建設，除非俾錢向鄰國購買，而被購買的鄰國亦不會因此而失去一個資源，到佢既回合就從新結算。
 |
| 以上5個軍事建築合共提供14個戰力 |
當一個時代完結，鄰國間就會比較軍事建築所提供既戰力，戰力強既一方視乎當前時代，獲得一定數量既勝利標記，而弱的一方視為被打敗，相應獲得1個戰敗Token。
比併完戰力就會進入下一時代，而手牌傳遞既方向將會轉變，玩家再一次進行6個回合的建設，玩家在適當既時候可以建設本國奇蹟，滿足相應的資源後將一張手牌面朝下放於奇蹟進度下方，代表已完成一個建設階段，玩家可以在一個時代完成整個奇蹟，而完成奇蹟可以帶來更多優勢！
當進入時代III，最終既對決來臨，玩家國力既方向，跑戰力的，跑科技的，跑平衡跑線的都將一一成形，而為進一步強化自已或弱化對手所行的路線，目標都會集中係開局時隨機抽出的路線牌！
例如上圖上排左2的軍事路線牌，你的鄰國每有一個戰敗標記，你將結算一個繁榮點數。
當時代III完結，戰力比併完畢，就會進入復雜的計分時間：
包括加減勝利戰敗的計分，金錢計分，奇蹟計分，繁榮點數計分，科技計分，每個項目都有其不同既計分方法，將所有計分加總，最高分的玩家成為贏家！
總結:遊戲規則簡單，時間唔長，亦無需睇字，係計分稍稍復雜，有多樣化的跑分跑線，亦有國與國既衝突，精美既咭牌，各式各樣既建設，有趣既升級及資源收集，個人認為係上品，問題係你防礙非鄰國既力度有限，唔熟悉咭牌升級路線亦未能有效將效益最大化，故開始前可以先同所有玩家略略睇下所有咭牌，起碼要有初步了解，否則貿然開局，未玩過既玩家必然難敵老手了。
評分：★★★☆
策略：★★★☆
簡易：★★★★
耐玩：★★★☆
歡樂：★★★
(5星最高)
沒有留言:
發佈留言