首先啦我就唔係星戰迷, 細果陣有睇過星戰覺得幾得意, 到大左睇前傳3部曲都覺得佢接返黑武士身世做得幾好, 不過最新果集就悶到我訓著, 所以呢隻Game雖然係星戰背景, 但對我黎講無因此加分. 呢隻Game係為左Skirmish Mode而買, 所以以下都唔會講關於故事模式 , 介紹都以Skirmish mode 既角度去講.
呢隻Game同Descent 2 好似, 內容物差唔多, 多然就會有一堆地圖版塊俾你去組成不同地圖啦. 其次就有好多卡啦, 不過以下呢堆都係for 故事Mode, 所以可以收埋唔理.
遊戲有4本說明書, 玩Skirmish摸式要睇其中3本, 反之亦然.
其實佢咁整重煩, 因為本速查手冊包含左D故事模式既規則, 好彩隻Game好易玩, 唔會太需要睇Rules.
Core Game入面有6個英雄, 能力各異, 部份感覺好弱,日後未必有用 , 加上Core入面包埋既天行者 Skywalker 擴展包, 反抗軍合計7個Unit.
帝國最多人鍾意既白兵, Core set有9隻 , 模型質量算係咁 , 排出黎對戰都出到個Feel.
其他帝國戰鬥戰位, 排最前既係黑武士, 影漏左我係Core Set入面最鍾意既Trandoshan Hunter , 有4隻, 我覺得佢最有Feel.
當然重有好大部既AT-ST啦, 佢既前炮管可以上下移動, 機倉都可以左右小幅轉動. 對戰既時候幾有臨場感.
雖然棋子分左2隻色, 但都分為3派, 僱傭兵 , 帝國 , 反抗軍. 佢地有不同牌背既部署卡.
部署卡既作用就係俾玩家對戰時自由組合部隊隊戰, 每張卡都有一隊部隊或個人單位, 左上角係Cost , 每次對戰雙方各自組合合計40Point或以下既部隊. 紅色代表精英, 灰色代表普通, 組合中, 同一種部隊, 精英不能多於2隊, 普通不能多於4隊, 我自己玩過覺得呢個限制係適合而又唔會綁手綁腳.
例如我選擇一隊白兵 , Cost 6 , 根據卡上左上角, 有3條橫條, 代表呢隊部隊有3個單位組成, 但你不能只用2 point去只要一個單位, 不能分拆, 卡上Cost 6 2既2應該係用於故事模式.
不過FFG真係好愈黎愈縮皮, 好似皇家守衛, 你有4隻Figure, 但卡只有1精英1普通, 故此你不能徵召2隊普通或2隊精英, 其他部隊都係同樣情況, 雖然唔太影響, 但都有限制到玩家部署上的選擇. 另外, 中文版感覺好多甩漏, 佢既特殊能力 "哨兵" , 精英果張小左個1字.
目前係Core黎講, 帝國有張1Cost既牌容許佢另外徵召2隊僱傭兵, 而僱傭兵亦有牌可以徵召2隊反抗軍. 我自己唔想煩, 基本上你將僱傭兵都視為帝國, 反抗軍還反抗軍 , 帝國想出僱傭兵就出果張牌, 唔當僱傭兵係一個獨立派, 簡化為Casual 既1v1戰棋.
除左自組兵, 玩家亦要自訂15張Command Card, Command Card 既Cost 不能多於15, 部隊Cost 同Card Cost 分開計算. Core入面已經有1式2份相同既Command Card, 分返開就可以直接玩, 而每盒大小擴都有新Command Card, 你可以根據派系簡單分為2組, 對戰時係各自一組去組合15張, 目前覺得呢個步驟唔算用好多時間, 而Command Card可以帶黎更多趣味, 值得.
Core Game有一個對戰地圖, 同一對戰地圖有2個任務目標可選, 每次選擇任一, 圖中紅藍區域就係伙雙方部署既位置, 一方將所有部隊放置完到另一方, 然後, 各自抽3張Command Card 然後開始.
除左Core Game既1個地圖外, 內含既黑武士及天行者擴展都各有1個新地圖, 當然都各包括2個任務啦, 中文版及出現錯誤, 首先, 地圖叫濕地農場, 但卡顯示的是另一個地圖名, 但任務名與此地圖所述一樣, 相信係錯誤, 第二, 左邊既任務描述係有班塔斯肯人接近, 所以會出現3方戰鬥, 但任務目標卡牌完全無提塔斯肯人 , 而係講個雷達, 個雷達重會打人同埋會走位, 真係好神奇, 睇到我莫名奇妙, 我唔知塔斯肯英文係咩, 可能係翻譯有誤.
簡單講下玩法, 到你既時候選擇一張部署卡, 你可以為該卡對應的部隊都執行兩次行動, 行動有: 攻擊(限一次), 移動(獲得移動點), 互動 (開門, 拾取等) , 發動特殊能力 , 其中我覺得移動規則幾特別, 通常移動就移動,但佢既移動係令你獲得等同其速度既移動點, 移動點可以分別在行動前後使用, 如你有5點, 行3步,攻擊再行餘下的2步. 比類似既戰棋靈活, 我唔記得Descent 係咪咁 , 小改變大改善.
天\行者作出一個遠程攻擊, 擲出射程6, 3Hit及1個特殊效果, 防禦方擲出規避, 抵消攻擊方所擲出的1個特殊效果.
結算傷害,合計3個hit. 傷害Token放置係係Game幾煩既事, 特別係個Token設計得唔好, 可能要諗下其他方法, 不過問題唔大.
Skirmish Mode 暫時Solo 左3次, 感覺唔錯, 暫俾7分, 如果同人對戰應會加分, 任務目標深度一般, 不過每個大小擴都有1個新地圖, 應該會有好玩既戰場, 玩Skrimish Mode基本上要買唔小figure Pack, 但性價比唔高, 1盒figure好小, 明顯係坑, 不過我預左, Causal Play黎講, 簡D鍾意既黎買都唔會太大投資, 而且figure Pack一次都係出3-4盒, 買當中1-2盒唔重皮.
我鍾意隻Game可以自組部隊, 有唔錯既Figure , 地圖選擇多(係買擴既情況下), 就算唔買,Core 入面既選擇都夠玩一段時間, 規模簡單, 直觀, 多擴展選擇, 星戰題材, 預期FFG會繼續support , 1局時間1小時內, Command Card增加不少樂趣同變化, 1個地圖有2個任務, 可以連玩兩次都唔需要重組地圖, Skirmish下, 只要地圖夠好, 其實唔需要變. 如果想買而語言唔係障礙建議都係英文版好, 今次買中文版有D後悔, 花左d時間去克服同消化當中一D唔清析既地方 , 有理由相信故事模式都有多甩漏.
想輕鬆玩一場自組部隊既戰棋, 呢隻都算係唔錯既選擇, 已經買入4個figure pack, 1盒Wookie warrior , 1盒 Rebel Troopers, 1盒 Kayn Somos , 1盒Royal Guard Champion . 頭兩盒係想比反抗軍可以部署到部隊小隊, 而尾2盒係比帝國有多D個人單位選擇, 可以補充Core 既不足, 日後正式同人對戰過再寫感受.
11/6 跟進下隻Game, 同人玩過2場Core Set既Skirmish, 感覺唔錯, 自己亦Solo過7-8場, 非常好玩講唔上, 但算係水準之上, 規則簡單, 一場選擇部隊, 選擇手牌, 連Set地圖 30分鐘內, 玩一局再加約45分鐘, 因為同一地圖有2個Mission ,玩完一個再玩另一個可大大節省Set Up時間, 可能自己Solo多, 太有深度既布局同走位暫時唔太覺, 好多時既感覺係兩班部隊直衝去目標附近火併, 3個回合左右大致睇到勝負, 不過因為每個任務既設計, 入面既目標有連鎖關係, 同一時間要分配部隊去任務入面兩種有意義既目標, 如果分配有誤算可以有好大影響.
對戰時Command Card都可一定程度地提升遊戲樂趣, 要諗點樣利用手牌去做出最大得益, 多左一層思考與未知.
Core Game既選擇有限, 立即加購反抗軍的部隊及帝國的英雄, 呢D新單位都Solo左幾場, 原本諗住入2盒Rebel Troopers, 玩過之後覺得Casual Play 黎講一盒都足夠.
部份卡Core 入面已有中文卡, 可以用返, 中英混用無想像中咁有衝突, 已習慣.
暫時就Skirmish Game而言, 我俾 7.2/10分, 滿意但不是超預期.
經過最近幾個月買Game都唔合心水, 大受打擊,停左2個月買Game,
呢幾日又開始毒發, 但又好擔心滿懷期望既Game最終會失望,
左睇右睇, 睇返隻Imperial Assault, 上次入深入絕地,但實在難開,加上set關費時,
最後都無繼續跑落去出左, 咁Imperial Assault咪一鬼樣, 但其實唔係,
我唔記得左IA另有1v1 Skirmish Mode, 重有Point System, 自組部隊對抗,
加上, 依家FFG都係全力谷呢類坑Game, 如果跟都有一定持續Support既保障,
而且都出左2年, 現有好多Expansion 跟哂都夠皮 , 決定入坑
買呢隻Game我100%係為左Skirmish Mode, 關卡果D依家真係好難有心力去跑,
Set一場Skirmish Map, 你可以排唔同部隊玩2次都唔洗重Set地圖
係上年年底已經出左中文版, 就諗入英文版定中文好, 我幾唔鍾意又中又英,
依家中文或英文都要$700以上, 亦慮及朋友間可以易D開, 而且SWIA喎, BGG 8.2分喎, 大鑼大鼓出中文版喎, 咁我希望佢可以繼續出中文擴啦 , 用左唔洗$700 入左中文版, 我已經問左代理出中文擴既計劃, 暫未有回應, 我會繼續追, 出唔出, 幾時出,
有無實際Plan會出, 我認為中文版既玩家們有權知道, 唔好浪費大家時間,
希望所有玩呢類坑Game既玩家, 都要俾代理一個壓力, 唔係隨便中文化左個大熱Core Game食左個頭啖湯之後就係咁拖, 既唔承認亦不否認既態度, 會大大影響其他有心漢化外文遊戲既公司出漢化擴展既推力, 就算唔會全套漢化, 頭一兩波都唔跟就真係毫無誠意, 如果佢真係唔跟, 以後都唔會再入呢類Game既中文版
無論如何我都已經入左喇, 研究緊到底買咩Figure Pack對Skirmish Mode最好, 如果試玩乎合預期, 我諗我會持續每月買2-3個Figure Pack, 慢慢建立部隊庫, 就算真係唔出中文擴, 唔排除出左隻Core換返英文版, 又或者有勇士會漢化出貼條
