壽司麻雀

呢隻GAME 都已經出左一段時間，趁住寫BLOG既機會再一次拎出黎重拾當年買佢返黎既感覺。

日本仔最叻就係包裝 唔知咁多位有幾多次試過去依家最HIT果間懶係多日式零食既店俾佢入面果D包裝吸引到買黎食但卻平平無奇甚至比人難食既零食呢? 呢隻GAME一樣，包裝幾咁繽紛熱鬧，睇見都好歡樂咁，但內裡又如何呢？

簡介:故事背景係話說有日有家人，無聊肚餓外賣壽司返黎食，哥哥無啦啦搵塊裹司布蓋住盤壽司，跟住話你地想食咩話我知我甩俾你地食，結果一家人就高高興興圍埋一齊出題俾哥哥叫佢甩夠一碟佢地想食既壽司(如上圖右)，整日親子樂翻天，結果呢個故事傳頌千古，黎到現在有人從中得以啟發出一隻甩壽司同麻雀結合既玩法(全部皆為吹水)。

特色:
全GAME以壽司做主題，當中包括超過60件壽司模形(十多種)，壽司盤，壽司座4個，紙幣等，繽紛奪目。

必需提醒最上方既2種壽司不是叉燒壽司或燒鵝壽司，而當然綠色紫色果D卷物亦非姐哩及薄荷口味。

內容玩法:
遊戲支持最多4個玩家，將所有壽司放進壽司盤中，然後用裹司布復蓋，接著每人在不能直接查看下抽7件壽司，拿回自已的壽司坐，而每個玩家都會有一個雪櫃外貌的屏風令對方無法得知你壽司座上的壽司品種，玩家依照遊戲設定的多種食糊條件，盡快砌出對應的壽司，類似麻雀既玩法，但沒有碰，上等玩法。



做莊既玩家可以掛出一個是日推介，如打出的是日推介在任何人的組合中食出，則該推介的壽司可贏得更多金錢，玩家如在遊戲中抽出金壽司，每個金壽司亦可提升食出所贏得的金錢，而且更可拿取一張特別咭，特別咭可令對手下次無法甩司，又或食出的金錢雙倍計算等，共7張不同功能的咭。



壽司模形分為手握及卷物，故此玩家需然未能全然知道你甩緊既係邊種壽司，但你可以從外形中摸出較適合既壽司拿回自已的壽司座上，將把一個不適合的棄掉，然後輪到下一位，我認為呢到可以加入"碰"，"上"既規則，不過碰就要3隻相同，而上就唔需要排出黎，只需直接拿取上家打出的壽司，跳過自已抽壽司既階段，再打出一隻，相信戰術互動會有所增加。



如任何玩家只欠一隻就可排出表列的食糊要求，即需大聲喊出"岩口味" ，如果無叫，即使你之後成功拿取該壽司也不能立即吃。至於一旦你成功拿取你需要的最後一件壽司，食糊既字眼會改為"多謝晒"，其他玩家就依列表上俾錢勝出既玩家，如是者繼續新一輪遊戲，打2圈結算總數，錢最多當然就係勝利者。

總結: 

桌遊既種類可以好廣泛，基本上放上台玩而又不插電既遊戲都係叫桌遊Tabletop Game，呢隻咁輕鬆簡單既遊戲，或者只適合一家人作親子活動，但一隻咁簡單既遊戲你會見到好多細節都幾有心機，唔會因為對像較輕鬆隨意而得過且過，如果你有興趣但又擔心睇唔明日文，佢有一本中文說明書，所以必然可以順利遊戲的。