呢隻 Forbidden Stars 一出已經高度關注，正式上市二話不說就入手了，等我睇下呢隻Game到底如何！
隻Game相信比好多人既感覺就係似Starcraft the boardgame，不過背景就轉左去Warhammer 40k，我亦都係因為佢有其中既一個系統而想買入，隻Game支援4個玩家，4個不同既種族，各自有不同數量不同戰力既單位，我認為佢可能會動搖符文戰爭係我心目中的地位。
遊戲有12塊雙面版圖，每一面都不同，其中4塊係族種專屬版圖，亦是雙面不同的，可預期有著如符文戰爭般每場遊戲都有著不同的面貌，每一塊版圖代表一個星系(System)。
視乎遊戲人數，拿取不同數量既版圖再按特定規則合併出正式遊戲版圖，當中專屬的版圖其實並不是有很大意義，不同於符文戰爭的重要性，專屬版圖即使被佔我覺得並唔係好大件事。2人遊戲地圖面積2x3，3人遊戲3x3，4人遊戲3x4。
Setup時玩家已經需要思考，因為除了如何放置版圖較有利外，玩家最初放下的幾個版圖亦會放一個敵方的任務目標指示物在星球的格子上，玩家要贏得遊戲就需要收集一定數量自已的任務目標，所以，一定要放係防守較佳既位置盡量令對手難以收集。
2人遊戲時，任一玩家收集到2個目標就會獲勝，3人遊戲3個，4人遊戲4個。目標單純而且清晰！
完成Setup後，玩家就按以下步驟進行遊戲，遊戲不論人數會持續最多8個回合，如8個回合內都未有人贏得遊戲，則收集到最多目標的玩家贏得勝利。
(略述)
首先Planning Phase:
所有玩家一同計劃自已既行動，並輪流放置一個行動指令標記，面朝下放到版圖上，直至所有玩家都放置了其中4個。
每位玩家都有8個指令標記，背面印有玩家的種族標記，指令有4種，分別係(移動攻擊)，(生產興建)，(支配收集)及(升級)。
玩家輪流放置一個指令，例如你想移動A星系的星艦移至B星系打另一位玩家，那你就在B星系放置一個(移動攻擊)的指令，你的對手雖然不能確定你的指令，但會推測，如果佢唔想俾你打，佢可能就會係你之後放一個(移動攻擊)既指令係B星系中以令其他星系的星艦先過你趕到B星系增援，咁到你果陣對手可能已經增援，攻擊既成功機會就減低，總之，同一星系中的指令會堆疊，後發先至。
所有玩家放完指令之後就進入下一個步驟
Operations Phase:
玩家輪流翻開一個自已的命令標記並執行該命令，如果到你既時候你所有的命令都被其他玩家的命令所復蓋，咁你就會略過你既回合，直至到你的回合時有未被復蓋的指令你就可以繼續翻開並執行命令。
呢種放置命令及解決指令的系統就係Starcraft the boardgame一樣，有人鐘意亦有人憎，我就無咩所謂，反而覺得要考慮既地方更多，你先放邊個指令引你既對手浪費佢既指令呢？到你執行時如果有多過一個指令可以翻開，先翻開邊一個呢？邊一個指令一定要盡可能最後翻開以達至一些戰略性的目標？所有的決定都可能會俾其他玩家去阻礙，正正係呢個系統吸引之處。
當所有玩家都翻開並執行命令後，進入下一個階段。
Refresh Phase:
就像一般的遊戲，重置既階段，收集目標，收集資源，抽事件牌，移動Warp Storms等。
當中可以講下抽事件牌，Event Card我覺得其實就唔算係Event，係一個種族專屬既能力，玩家有2個方法可以抽各自的Event咭，1)使用1個策略命令後，該命令標記會先放到你的Event咭牌疊之上，2)翻開一個命令後，如你不執行任何行動，則將該命令標記你的Event咭名牌疊之上，在Refresh Phase時，每有一個標記就抽一張Event咭，然後玩家各自打出其中一張並執行。
玩家打出一張Event咭後，先執行移動Warp Storms既行動，如下圖，Warp Storm在遊戲Setup時就存在(中間紫色的長條Token)，用以作為一個阻格，星艦，陸軍不能穿過Warp Storm，故此綠色的玩家要攻擊藍方就必需繞道。
但Event咭的右邊(下圖)有一個移動Warp Storm的指示，打出該咭的玩家就可以按指示移動一條場上未被移動的Warp Storm。
當你打出上面果張咭之後，你就可以以90度轉移動一條Warp Storm，如果你下一回合打算攻擊藍方，想掃除阻礙，你就可以將原本打橫既Warp Storm改為垂直放置。
移動完Warp Storm之後就按Event 咭所述執行，可能係一些援軍，或一些一次性的增強效果等。
戰鬥：
如果落指令係遊戲其中一個核心系統，咁戰鬥就係另一個核心：
Starcraft the Boardgame我覺得對戰時要排戰線比較麻煩，特別係多人玩既時候，每條戰線又要放張牌，覺得有D唔順手，今次呢隻Game就改變左戰鬥既方法。
首先攻守雙方都睇返各自軍隊所提供的戰鬥骰數，同時擲出所有戰鬥骰，最多可以有8粒戰鬥骰。
戰鬥骰有3個結果，3面攻擊(槍)，2面防禦(盾)，1面士氣(翼)，擲出後各自保留所有結果。
然後，玩家各自抽5張戰鬥咭，所有玩家一開始會有10張基礎戰鬥咭，隨住遊戲的過程，玩家會購買較高級的戰鬥咭，每款戰鬥卡都有2張，當你買其中一款就將2張同時拿取，然後放進你的戰鬥咭牌疊中備用，另外亦將原本戰鬥咭的其中一款(2張)移走，所以你的戰鬥咭牌疊永遠保持10張。
玩家從抽出的5張戰鬥咭面朝下打出一張，攻方先翻開並執行，然後到防守方。
戰鬥咭會提供一些額外的能力(左邊)，如額外的攻擊/防禦/士氣，然後執行第一欄的能力，完成後，到下一欄，而該欄的能力需要有特定的未受傷參戰單位才能發動。
當雙方都打出咭牌並執行完相關能力後，同時檢視攻守雙方的攻擊，防禦力數值，有關的數值等於骰出的結果 + 卡牌 + 一些卡牌給予的Token，假如我有3粒骰係攻擊，+ 1張咭有1個攻擊標誌，再加1個有攻擊標誌的Token，則合共有5個攻擊力值，對方的防禦力值每1點可以抵消1點攻擊力，如仍有攻擊力未被抵消，則會造成傷害，雙方各自選擇需承受傷害的單位，如果足夠攻擊力就會殺死該單位，如不足該單位就會變成受傷狀態(橫置)。
如果結算後雙方仍有單位存活，則雙方會繼續出咭，但會先清走所有Token，但骰子及之前打出的卡牌仍會保留，直至任一方沒有存活單位。
如果3個戰鬥回合後仍未分勝負，則戰鬥會比較雙方的士氣以決定勝負，士氣如同上述攻擊力的計算一樣。敗方則撒退，所有撒退的參戰單位會成為受傷狀態直至本遊戲回合結束。
不論戰鬥單位或升級戰鬥咭，都需要不同的資源以購買，遊戲中有3類的資源：
1) 一般資源
2) 特殊資源 (Forge)
3) Command Level
一般資源在遊戲回合結束時所有玩家都會跟據各自控制的星球所列的資源點以獲得資源。
特殊資源則需玩家在該特殊資源的星系中使用Dominate Order(支配收集)才可獲得。
而Command Level是一個不會被消耗的資源，每個你控制的城市就可以有一個Command Level，遊戲中除了城市，另有要塞(防禦作用)及工廠(生產)可以興建。
介紹到呢到已經差唔多，遊戲各個原素盡見思考的地方，而且遊戲無太多煩雜的支節，非常單純，擴展領土，收集資源，擴充戰力，攻擊對手，贏得任務目標。
總結：
小弟尚未玩過，所以暫不評論，純粹講見到既野，遊戲似乎想更集中俾玩家思考如果戰勝對手，將好多FFG戰爭類遊戲經常出現的支節都拆走，亦正正係我曾經想改符文戰爭的一個方向，而且，以2人遊戲而言，應該會比符文戰爭有更高既可玩性，遊戲Setup唔繁複，唔似Runewars，Twilight Imperium般要有大量的前置準備，而且由於遊戲集中係戰鬥與指令，其他方面都盡量省略，應可減少不少拖慢遊戲過程的動作，令玩家們更能享受遊戲。
但如之前所講，到底與符文戰爭比又如何呢？我覺得符文戰爭玩既係感覺，史詩式一些，詳細一些，而呢隻Forbidden Stars就抽像一些，計算高一些。睇返玩家自已追求什麼。
以遊戲時間黎睇，相信Forbidden Stars會較Runewars短至少1/3。
戰後再發感想。
沒有留言:
發佈留言