(一個勇士拎住張情信俾主公你, 想同你外出睇火流星! )
遊戲支援2-4個玩家, 我覺得at least 3人先好玩, 當然4人最佳, 版圖有別於平常RISK既長方形, 而係正方形, 集中於歐陸, 並有部份北非地區.
令FFG 慚愧的自帶收納 , 如果咭唔入套可完美收納.
內容物 , 特別留意, 不同造形的軍隊並不是像以往的RISK 只用作區別兵力數量, 而係實實在在有戰力及先後手之分.
有四個不同造形既部隊模型, RISK黎講少有.
北歐裝扮的軍隊.
紅軍, 投石車可輕微郁動.
中東裝扮部隊, 4個軍隊各有特色 , 唔記得影紫色的攻城武器.
遊戲目標, 控制7個皇冠為勝, 皇冠在開局時放置到版圖上標示皇室的位置上, 共有15個皇冠, 佔領該區域視為控制 .
8張命令咭, 所有玩家都有一套. 包括移動, 攻擊, 購買, 徵稅 , 急行等.
開局時只有控制小量地區, 玩家從8張任務咭中選2張作為本回合的命令, 並將之Facedown , 然後由first player 開始, 先翻開第一張作為你的行動命令, 命令咭有2或3個功能, 其中兩個係2選1, 執行完之後到下家, 當所有人執行完第一張命令再由first player 翻開第二張 , 由此類推, 當2張命令咭都執行後 ,戰鬥就會結算, 所以並非你一行入敵人處就立即戰鬥, 你的對手可能因為你的進攻而將本來打算用於移動別處的命令去改為增援這個爭奪中的區域.
當戰鬥完結後, 新的一輪開始, 玩家用餘下的6張命令再選擇2張打出, 如此類推, 當8張咭都打完就會再新拿回8張, 如何有效運用你的命令咭會有一定思考需要 ,破除傳統RISK既玩法.
購買的價錢表, 步兵1蚊, 弓兵2蚊, 騎兵3蚊, 攻城武器10蚊, 城堡12蚊, 任務咭10蚊(optional) . 而當中的城堡可提供重擲能力予防守方, 而進攻建有城堡的區域亦必需有攻城武器才能發動攻擊.
部份金色的皇冠地區, 會有特殊增益效果 , 各有不同. 收稅時, 選擇你的一個有皇冠的區域, 並計算所有接連的土地 , 每一土地有1蚊, 另加皇冠地的數值就係你的金錢收入, 由於愈多領地連接對單次收益愈有效果, 故對手可能會截斷一些你的領地連接, 假若一分為二, 你只能選其中一部份獲取稅收.
戰鬥方面亦有好大不同, 由於有不同兵種, 雙方同時按指示先為Rank1既部隊擲骰 , 而rank1 既就係攻城武器, 如上圖, 由於紫色無攻城武器, 故綠色先為攻城武器擲骰 , 而每個攻城武器可擲2粒骰, 共擲4粒, 3或以上代表介命中, 故有4HIT, 紫軍要決定死邊4隻部隊, 由於步兵價值最低及最後手, 故先選擇他們犠牲 , 已犠牲將不會在本戰鬥擲骰, 故此愈多先手的部隊戰鬥力愈強, 順序為攻城武器>弓兵>騎兵>步兵 , 戰力亦各有不同.
如此互相攻伐 , 爭套皇冠, 達到7個皇冠為勝, 皇冠量在版圖旁標標示, 清晰了解邊個有機會食糊.
總結:
我覺得呢隻Game都算係RISK一大突破, 雖然叫RISK但都已經有非常大分別, 遊戲節奏非常快, 4人教學到完Game 2小時內, 規則簡單, 算緊湊, 有小小策略考慮, 不過未達我預期, 感覺似係有個DEMO版, 日後可能會以呢個基礎再優化出新版, 只支援4人亦係我覺得不足既地方, 不過價錢平 , 配件都算有誠意, 如果唔係想要咩大戰略遊戲, 突然心血來潮想玩下D light Conquer Game , 呢隻都可以考慮.
如果你無咩玩開呢D區域控制既戰事Game, D frd多數都係玩開D輕鬆野, 又想試下玩下呢類形Game , 或者平時都有玩Risk 既話, 不妨一試.
隻Game雪球效應明顯, 如果有一方開始強而不加以壓制, 將愈黎愈難將之擊敗. 而遊戲節奏快, 所有攻擊徵兵都需要把握時間, 否則對方可以快速恢復, 如果有心要壓制另一對手 , 必需乖勝追擊, 不要以為嬴得一場大戰或擊破一些重點區域就收手, 對方可以好快就回復一定戰力來犯 , 所以斬草要除根, 要打殘對手, 而較弱一方需主動求援, 弱國無外交, 如果去到其他潛在盟友覺得救你都哂醫藥費, 佢地只會自顧自.
我覺得隻Game 唔差, 如果你唔嫌佢深度不足, 價錢吸引, 時間唔長, 氣氛不錯, 都有緊張位. 如果佢將命令咭設計得更好, 人數上到5人, 我會大大加分 , 可能因為始終叫RISK , 佢都係要盡可能simple.
主觀評分：3.5/5
客觀推薦: 2.5/5
策略度：2/5
簡易度：3/5
耐玩度：3.5/5
氣氛：3.5/5
沒有留言:
發佈留言