Dungeonquest Revised Edition 地城任務中文版

戰棋會即將推出中文版Dungeonquest，之前對呢隻Game都有興趣

不過最近入左唔少Game，空間有限正詳細考慮入唔入手，隻Game對我黎講有2個問題

第1係彩數唔少，會唔會太Random變得似Game玩你而唔係你玩Game呢?

對比Talisman 聖符國度，至少聖符你可以選擇行左定右，從中選擇一些較好或無咁壞的目的地，但睇過Dungeonquest的Rules後覺得好似彩數唔低，主要既策略係幾時見好就收，但收唔收得切又係靠彩數。

第2係Player人數限制，只係for 1-4人，小弟一係就無局開，開親都至少5個人，咁咪好難開到呢隻Game？不過，我發現隻Game其實有6個英雄可以選擇，咁如果有5-6個人玩，其實可以玩Team，2個人1Team，合併計分，5個人的話其中1team係1人控2個英雄，咁樣似乎有機會解決到人數限制的問題，不過唔知遊戲既其他原素配唔配合到。

有2樣壞處，咁有咩好處先？我覺得隻Game幾有趣，重可以Solo，戰鬥既方式又幾似三國既騎弓步(包剪錘)，捉到路殺死人既Hero都幾有趣，而且一步一驚心既感覺，既刺激又吸引。掘出值錢既寶物時亦應好有滿足感！而一日未完Game一日都未知邊個可以贏到！

如果入手既話會出個開箱文的。