Battlelore 新種族？

Battlelore 2E. 戰爭之道 2 推出至今已經大半年，相對其他遊戲，FFG重未有公布什麼關於呢隻GAME的新消息，我亦都替FFG煩惱，有意見認為FFG應該出Army Pack加多D兵落去本身既種族入面令玩家在備戰時有更多的選擇，但我認為除非你玩Epic Battle(2張地圖相連)，否則如果玩單一地圖，Army Pack既兵數應該係幾多呢？太多價錢相對貴又多餘，太少又無意思。

另主流當然係希望FFG黎緊應該要出精靈 對 不死種的SET，如果真係咁出，咁FFG會希望將呢個SET可以獨立玩定要夾返原本個SET先可以玩呢？如果係可以獨立咁玩，咁呢個SET就會有好多多餘既原素(例如命令咭)，個人當然希望佢有更多新原帶黎。

黎緊Gen Con2014就快開幕，FFG會唔會趁機推出消息呢？除左BATTLELORE，當然希望Runewars都會有新消息(雖然機會不大)。

係Battlelore未有新族之前，我搵左War of the Ring既魔多軍團成為新的可選種族，能力還要進一步設計，不過感覺唔錯，一樣有弓兵，輕步兵，重步兵，狼騎兵及食人妖，毛象既比例麻麻暫就唔會選用。

分享下放係Battlelore地圖上對戰既樣比大家睇睇，如果想節省時間，用魔多既玩家布兵可以用住尤薩既咭，另外亦可以用FFG官網提供的地圖編輯器去好似M'44咁設計地圖，整一D唔balance既戰鬥，實行Battlelore x War of the Ring！