7月6日 7小時6人局 簡短記錄

原定今日開優勢物種，但係有人遲到加上6人玩可能會太長最終無開，全日玩輕鬆遊戲。

巨獸競技場，最高$18，小弟$11排第3。

聖符國度，5小時局，最先永久被殺，各玩家形勢唔算有好大差距。

用詩人，可以用歌聲馴服野獸，以驅策該獸野在戰鬥時將其力量加上你的力量中。

不過場上有能力恐怖的小偷(可以向一個同格的玩家偷取一個物品)，加上佢獲得驢子(物品上限加8)，將其能力進一步提升！前期無法無天！

不過到後期，騎士養精蓄銳，小偷亦唔敢埋身，再加上騎士獲得「禁魔令」(無法施放及被施放法術)，騎士逐漸突圍進入內域，小偷亦緊隨其後但光明正大的埋身肉搏始終敗於騎士，此時小弟的詩人亦殺到，小偷即時使用隱循術返回起始點脫離戰鬥，詩人原本只係想執雞，小偷一走我就成為騎士的刀下亡魂，首先出局，其後，騎士消滅所有玩家贏得勝利。

Bang!，好懷舊的感覺，勝負已經唔重要了。

回想以前初玩Boardgame，Bang都帶黎唔小歡樂的，而且一晚都可以玩幾局，不過隨著接觸的遊戲多了，現在的感覺已經大不如前，可能好多野唔洗咁深入，蜻蜓點水式更愉快。

阿瓦隆，兩次玩梅林，一次玩刺客，2勝1負，呢隻Game真係幾有趣，特別係最後討論返自已既觀點時最好笑，我認為呢隻Game，沒有神一樣的對手，只有豬一樣的隊友。