桌遊世界的吸引力

今日寫下我自已點解會鐘意玩桌上遊戲。

我認為，一個成功的桌遊可說是一件藝術品，桌遊既配件大都只係紙同塑膠，遊戲既過程唔會有聲音，唔會有特效火光，無音樂，但係不同主題既遊戲卻用紙同塑膠形造出不同既遊戲背景，借助人的想像力，一個不可能在現實世界中找到既國度就會出現。

亦因為只有紙同塑膠，遊戲的設計師要攪盡腦汁，在遊戲的設計上令玩家投入遊戲世界，從紙品的桌遊外盒，卡牌美術，板圖，指示物至塑膠的模型，各式各樣的骰子及配件，以至所有圍繞遊戲主題而設計的美工，造型，文字內容說明，遊戲背景故事，字體運用，及在遊戲中為方便玩家遊玩，容易處理各項遊戲資訊的流程設計，表示的方式等，以及最重要的遊戲趣味與深度，全部都需要大量心力，才能製造出一個成功的遊戲。

桌遊不同電子遊戲，遊戲過程不是單向的反應，設計時需要考慮唔同人既思想路向，可能出現既多種玩法，玩家之間的互動可能出現的結果，種種設計，太多限制，太過自由，如有不適將破壞遊戲流程，氣氛及失衡。

大量既遊戲資訊，在娛樂既角度下，如何方便玩家知悉，一個好既表示及系統不少得，過份簡單會失去實感，過份復雜會令人吃不消，平衡視角美術，策略，互動，個性思想，消化能力等多項人既因素，需要大量時間測試，不是單靠公式便可以計算出結果。

而最重要的是，桌遊可以帶你進入唔同既世界，一些只有電影出現既情節，換轉成你係主角又會點做呢？如魔戒的索倫魔君最終敗亡，如果你係索倫，你會點樣改變你的命運呢？又如二戰的日本，最終被盟軍擊敗，歷史無法改寫，但如果你控制日本，當時又有無其他可行的策略去反攻呢？是否必然如歷史般會戰敗呢？

玩家聚首一堂，立即在板圖上較量，桌遊係一個平台，迫出人平常未必會出現的思路模式，表情動作，喜怒衷樂，係最最吸引的地方，現實生活營營役役，如果我地係另一個國度，另一個身份，各位既表現又會如何呢？

桌遊不說謊，本性必然盡現，

而且勝負了然，高下立見。