新年前買Game

最近買左幾隻Game分享下。

呢半年都無點睇Game，最近終於初四約局，即刻睇下Amazon有咩Game，本身無咩心水，點知睇到Zombies!!! 呢隻Game N年前我玩過MidEvil，但感覺好麻麻，風格有D難頂，但今次見到比較新版既Zombies!!! 3rd Edition，價錢唔洗$200，竟然有成百隻喪屍，而且有4個造型，地圖美功都有進步，感覺都幾精緻，而且重可以6人玩，互相陷害，重有好多擴，所以就決定入手，但要買滿$400先免運費，於是就再係咁睇，專睇平Game，後來就見到隻 Civilization a New Dawn，呢隻Game由一開始出都已經留意，不過一開頭見佢有D卡，會以為類似Transforming Mars 咁既機制，因為唔想有咁多字消化，擔心效果太多樣化玩家之間要睇黎睇去咁好煩，就無再深入研究，點知見佢賣$170，分數都幾高，先知原來用到既卡唔多，而且係固定，似乎可以好集中係個Board到對抗對手，於是立即入手，再買多少少野就過$400出貨。

出完第一批，貨未收到已經忍唔住再睇下有咩其他好野，又發現到隻History of the World，只係賣$150，發咩癲，廢紙價，呢隻Game既AH版想買好耐，但果陣已經絕版，新版出果陣對D棋改左設計就唔大吸引，遲遲無入，依家賣$150就果斷入手。

買完呢3隻Game，仍未收貨，依然未止痕，尋日睇到條片講Western Legends，感覺唔錯，立即入手，價錢就$4xx，不過可以6人，再加上似乎幾大自由度，類似感覺既Merchants & Marauders 系統行得太慢，呢隻6人應該都係3個鐘左右，可以接受，而且都多擴，希望好玩。

玩完再寫下呢幾隻Game，好耐無試過咁有滿足感，而且4隻Game加埋唔洗$1000，實在抵玩。