小弟自Zombicide Season 1 之後就無入過任何Zombicide既Expansion，主要係開既機會唔多，加上佢不斷有新既Expansion，都想睇晒佢有D咩新意念我想買我先出手。
自知道新一代Zombicide 會將背景移到中世紀，加上似乎會有更多近戰既機會後就注視住呢隻Zomibicde : Black Plague ，集資額達3000萬港紙，係Season 1既4倍多，真係好勁，原本都係諗住等佢正式出先買，但係睇到Kickstarter送既野都好吸引，橫掂都有機會入就參與下啦，趕係Late Pledge back左，USD150未連運費，預計12月出廠，大陸出貨唔知12月會唔會收到，當係聖誕同生日禮物啦！
150USD 唔止基礎遊戲，另加1個細Expansion Wulfsburg，主題係異變狼。
另外亦有一大堆升級配件，幾十隻喪屍，幾隻大佬，幾十個英雄贈送(買)，部份大佬應該有較為特別既技能，例如會打穿牆，而且部份大佬既大隻過Season 1既大佬3倍多，真係非常有臨場感，另外又有NPC Zombie，玩法應該如Season 3既VIP Zombie差唔多，殺死一定數量既NPC就可以拎到一些指定裝備，呢個對我黎講都係一個新的原素，所以都算係值回票價。
其中，英雄唔再好似Season1咁D裝備，Exp指示物放到亂糟糟，依家有一個架可以Fit晒所有既角色資訊，一目了然，可以更專心玩遊戲殺喪屍，對我黎講大大增加將佢放上臺既機會。
真係非常期待快D收到，收到再為大家黎一篇開箱文！
沒有留言:
發佈留言