魔戒馬拉松

 月頭去左睇魔戒馬拉松 2個人$1200 睇左差唔多12個鐘 有爆谷免費送, 又跟熱狗,小食同飲品 幾有趣既經驗 雖然都睇過幾次 但以前上果陣無去戲院睇 依家補返個遺撼

中場休息時間會有問答遊戲，最快答中就可以有獎品，每次都有3條問題，有D問題都幾難，中左最吸引既係魔戒版大富翁，上一場答中最多就有機票去紐西蘭。

完成3場就可以獲得記念品，3張poster，1張證書，1張戲票同1個杯墊。

睇完之後又激發返我繼續推動戰棋既開發，最近買左set地型同地型墊，呢D旁枝野都基本上夠晒，呢幾日假等我上返色，然後可以繼續集中兵種開發。