2015年 9月3日5人局

好耐無寫過簡短記錄，好多時都唔記得影相，今日開左Kemet , Fearsome floors , DungeonQuest , 阿瓦隆及上流社會。

Kemet玩8分為勝，我已經到達6分，只要攻下我的鄰居的金字塔就可以獲得戰爭勝利VP 1及金字塔VP 1。

但同時，紅軍，黃軍亦有6分，但就無我咁大路可以贏到，必需等待時機比較被動，呢個時侯黃軍將其唯一的軍團由聖甲蟲帶領，移動2格至到接近中央的神廟區域的一格，不知所為何事何。

同時，由於黃軍只剩下一次移動，我最多只怕佢會過河再用卡破我城牆攻我的金字塔，等我本回合贏唔到，但諗唔到佢原來部署緊係呢個回合勝利。

就係呢個時候，紅軍出兵攻擊黃軍果隊唯一的軍團，黃軍立即打出金蟬脫殼的神喻卡，取消戰鬥然後將自已的軍團移動一格，於是將軍團移入中央的神廟，拿取了佔領神廟的1個暫時性VP，然後就係黃軍自已的回合中，執行其最後一次的移動，將部份軍隊傳送到另一個神廟，拿取另一個暫時性VP，最終取得8VP勝利，而我係黃軍的下家，只差一步就輸了。

黃軍之前將軍隊移到該區域的目的正正就係引誘紅軍攻擊，因為紅軍需要一個戰鬥勝利VP先有機會係本回合取勝，黃軍成功誘敵令到佢可以偷到一步成功獲勝，真有趣。

第二次玩Fearsome Floors，上一次玩以為會幾刺激，但係感覺一般，今次亦都係差唔多，感覺都係一般，而且亦都係輸了。

DungeonQuest 地城任務，趁住中段得4個人既時候又拎出黎開下，右下角係我既起步區，全部死路，後期走上去曾經拎到「瓶中怪」呢個戰利品諗住博下(離開地城擲骰，有機會抽一張寶物)，但最終係地下墓穴遇上怪物拿掉了，1蚊都無之下輸了。相外左邊的兩位勇者的路線都有文有路，暫時咁耐真係4人局的Dungeonquest未贏過，而且連叫糊既機會都唔太覺有，唔通同我今年犯太歲有關？！

之後玩阿瓦隆 Avalon，又連輸3局，加入左"梅林不知道他"的邪惡角色後更難玩了。

最後玩左1局上流社會 High Society，亦都俾第一次玩既太座贏了，今日無樣得，OMG！