呢隻Game 上年係Kickstarter 30日集資超過600萬港紙 但係剛剛完結既Expansion Toxic City Mall 同 Prison Outbreak 更加一時無兩 超過1743萬港紙 現在先介紹Season 1 原版。
未出中文版時，小弟命名為"屍殺"，係太座既主意，因為當時見外面既中文譯名如" 疆屍大鬧城市 "，或者喪屍禁區，都略嫌老土，"屍殺"簡短而又夠點明遊戲既核心，殺或被殺，我甚感滿意的，故替其中文名命名為 屍殺 。
撞正大熱既Walking Dead 再加上高自由度既打屍模式(打唔打得贏一件事) 跑出都係必然
 |
| 角色唔影正面 自已買左慢慢欣賞 |
Game包括左65隻喪屍 6個主角 9個雙面圖版 喪屍Spwan咭同裝備咭，當中喪屍同各個角色造形精美，加上圖版既美工接近無可挑剔 投入感大大提昇。
玩乜:
有主角，有屍，就當然係講D主角肚餓想食屍，點知俾D屍追返黎食啦！
Base Game有10個Mission 每個都有小小既背景，例如係肚餓出去搵野食，或者係要建立一個安全既根據地等等，其實都係要打屍。
特色:
除左呢隻Zombicide之外 其實都重有幾隻喪屍Game例如係The last night on earth , zpocalypse或者係All things zombie 等等，各有特色，個人而言，zombicide 一來比較現實，二來可以solo，三來可以支援最多6個玩家，四來有較精緻既minis。
點解會話比較現實呢？因為喪屍會憑視覺與聽覺追蹤玩家，玩家亦可Make some noise去誤導喪屍，聽起黎係咪策略滿分呢！
喪屍有分4類，除左行屍Walker之外，重有Runner，Fatties同埋Season 1既大佬Abomination。每種屍都有唔同既難度。玩家需要留意用邊種適合既武器係邊到同呢D無腦喪屍打。
而隨住玩家愈殺得多屍就可以升級獲得新技能，但同時，喪屍亦會愈黎愈多！
除左跟Game既10個Mission外，官網亦不時推出新的Mission 以供下載，你亦可以Download官網既地圖編緝器去自製地圖。
內容玩法:選擇一個Mission 依據指示放好版圖，門，車輛，喪屍出現既位置等等。
玩家視乎人數扮演1個至4個角色，係大街小巷中穿梭，起始必然會有消防斧一把，手槍一支，鐵筆一支，餘下的玩家就有喪屍界10大兵器之首，煎Pan一個，然後開始行動。
每個玩家每次至少有3個行動可以做，包括：移動一步，攻擊一次，發出聲音，搜索，上車落車，開車，開門或者乜都唔做等等。做完所有行動就Pass俾下一位。
玩家只有2滴血，基本上無法治療，每次受傷就會斷左一隻手，即係你既作戰能力會大為減弱。
開始時盡快搜尋絕對多既裝備，以我以言我認為俾你有全場最強大既武器在手，仍然都係苦戰，武器有分近戰遠程，有4個數值，左起為攻擊距離，擲骰數，命中需求，攻擊力。
部份武器可以破門，而大部份近戰武器使用時唔會發出聲音，當你使用會發出聲音的武器去破門或攻擊就會產生一個聲音標誌放係該區域上。
喪屍如果無法睇到任何生物，就會前往最多聲音既位置，但就算你乜都無做，你既呼吸聲仍然視為一個聲音。
近戰武器一般較少發出聲音，而攻擊時可以選擇攻擊邊隻屍，但問題係要埋身肉博。而遠程武器全都發出聲音，攻擊時擊中的喪屍要視乎順序，好處係唔駛埋身，保持距離。
當所有玩家行動後，喪屍就會行動，喪屍可以做既行動有兩個：行；咬，首先出場既Walker會有一個行動值，防禦力0，亦係遠程武器打擊順序的首位，以屍海取勝。
之後係Fatties，亦只有一個行動值，但防禦力為1，只能以攻擊力為2既武器才能造成傷害，遠程武器打擊順序的第2位，以身型取勝。
之後係Season 1既大佬，Abomination，只有一個行動值，但防禦力為2，遠程武器打擊順序係2，如果你殺佢唔到，佢就會阻擋你既子彈，殺唔到之後壓軸出場既喪屍，而Season1只有燃燒彈先可以將佢殺死，問題係燃燒彈需要空瓶及氣油合成，如果搜索唔同呢2種物資，你只能迴避佢既追殺！
壓軸出場既係Runner，Runner有2個行動值，雖然防禦力為0，但佢既遠程武器打擊順序卻為3，如果群屍行動，好難將佢殺到！
當屍群行動完而你地又未死得晒，就會出現喪屍spwan階段，每個有喪屍Spwan標誌既區域都會抽一張Spwan咭，而喪屍Spwan亦會發生係開門既時候，當你打開從未打開過門既建築時，建築物內每格區域都要抽一張Spwan咭去測定該格區域的喪屍。而最大鑊係，喪屍mini有限，當任何時候無足夠既喪屍去Spwan，該指定的喪屍種類就會立即多行動一次！
 |
| Spwan咭，玩家中最高等級的Danger Zone會導致Spwan邊個顏色的Zombie內容，部份會係Manhole爬出黎。 |
(8/8 修正，正確應該係當你受傷之後你要棄去一件裝備並獲得一張Wounded咭，此咭視為1件物品，但你不能棄去，於是乎你Carry到既物品受傷後就必然會少1件了，但不會因此導致在作戰時只能用單手，該咭可在整理物品時調動位置。)
當Spwan階段完結，新既玩家行動開始，一直至你成功完成任務或所有角色死光為止。
一般一局Game 1粒鐘左右，9格地圖甚至可以2-3小時。
總評:
之前玩過Pandemic之後，非常抗拒再玩資訊完全透明既"合作"遊戲，我認為玩家可以選擇既行動基於所有資訊全透明既情況下，什麼是最合於利益的行動應有共識，與Programme左既遊戲設計感情用事係無幫助的，故此所有玩家都會執行最理智既判斷去行動。如果你好鐘意合作遊戲，呢款係一隻好Game，夠難玩，必然要合作先能夠成功。
而我當初都唔想買呢隻Game，但我估計我可以將佢加入少少Houserule強化個人判斷既空間，但我自已Solo左幾次發覺未必可行，因為群屍可以黎得好快，而火力明顯不足，最大鑊係屍群好易出現Extra Turn，好多時都要夾過，錯一步就有人受傷甚至滅團，有外國既玩家說可以修改至同一區域的玩家先可商討策略，但未知效果如何。我正研究可否改為傭兵模式，鬥殺得多甚至係過程中可以殺玩家以改變合作既玩法。
而以Solo以言，可以一玩，有絕對既難度而不至於完全絕望既機會，或者咁先至令人躍躍欲試。
提提初玩者唔好玩Mission 1，特別係玩完教學之後玩Mission 1既話可以講係Game玩你，希望官方會作修正，官方已修正Mission 7同Mission 2，如果Solo第一次玩既話推薦Mission 2(修正後)。另外官網推出既新地圖似乎平衡一些，亦建議到官網下載Update既說明書。 好有興趣既玩家應留意下次會否於Kickstarter 推Season 3，因為有好多野送。最後係如果想降少少難度，可能係去買多盒Zombie Pack(16usd未連運費) ，減少因為唔夠屍而出現既Extra Turn。
總體而言，有唔少可以改善既地方，如果官方可以落力改善修正，加上重有新既Expansion推出，Zombicide絕對有力成為一代喪屍Boardgame！
評分：★★★☆
策略度：★★★
簡易度：★★★
耐玩度：★★★
氣氛：★★★★★
(5星最高)
"When he reorganizes his Survivor’s inventory,
回覆刪除the player may move this Wounded card just like an Equipment card, but he cannot discard or trade it, and it reduces the amount of Equipment the Survivor can carry."
Actually, it's not lost of hand if the survivor got attacked, it just take up one space of your inventory space :)
Oh Yes,u are right,thanks for your comment,so it will lower a little bit difficulty :D
刪除