簡短記錄 12/31 4人局7小時

 星期六開局 玩左D買左一段時間都未開過既game rules每次睇完無時間開之後唔記得又再睇過，主要係D簡單game。

Haunted Mansion ，遊戲簡單，Duel 既機制為遊戲加入另一個層次，以一個可以上到6人既game算唔錯，downtime時間短。

Temple Raider 覺得呢個壇幾特別就入手，玩落都可以。

Wildlands第二次開，繼續獲得肯定，下次應該可以玩另一個地圖。

Arena for the gods，有D順序玩錯，睇下遲D多人開會點，bid裝好重要，暫時感覺中性。

重有玩左Marvel Remix 同 Skull kings，Marvel覺得幾好，而且可以上6人，Skull kings就一般般，唔係話差，不過依家有唔少類似game，唔太突出。

暫以4人計評呢6隻Game既體驗，我會由最高開始：

Wildlands > Haunted Mansion > Marvel Remix > Temple Raider > Skull Kings > Arena for the gods

魔戒馬拉松

 月頭去左睇魔戒馬拉松 2個人$1200 睇左差唔多12個鐘 有爆谷免費送, 又跟熱狗,小食同飲品 幾有趣既經驗 雖然都睇過幾次 但以前上果陣無去戲院睇 依家補返個遺撼

中場休息時間會有問答遊戲，最快答中就可以有獎品，每次都有3條問題，有D問題都幾難，中左最吸引既係魔戒版大富翁，上一場答中最多就有機票去紐西蘭。

完成3場就可以獲得記念品，3張poster，1張證書，1張戲票同1個杯墊。

睇完之後又激發返我繼續推動戰棋既開發，最近買左set地型同地型墊，呢D旁枝野都基本上夠晒，呢幾日假等我上返色，然後可以繼續集中兵種開發。

簡短記錄 11/19 3人局7小時

 昨日開局玩新Game 之前買左好耐未開過

先開Starship Samurai 星際武士

可能有少少玩錯 武士應該可以當作部隊 如果係既話可能會更激烈 

3個人3回合 1小時左右完 可以但唔算好 大特價黎講唔錯 會想再開

跟手玩最厚望既Northgard 零售版無player board，得張咭指示講D唔講D，開頭比較難記，7個族各有異能同樣無指示，只能睇說明靠背，較為不便，遊戲體驗流暢，雖然呢場比人打到就黎滅(雖然滅左都會再出返黎唔會outgame)不過都幾有趣，3人玩時間較我預期長少少，建築物既用途同策略性好似比預期低，以$440入手既價錢黎講都算可以，期待再開。

中間玩左陣Crew，第一次玩，唔錯，過左幾關。

最後開埋Wildlands，連set場35分鐘打完，超快，有緊張位，不過佢唔係一般模型戰術game咁咁自由操控角色，對每個角色不能過份投入感情，只係工具人盡快搶分，無利用價值就要將個行動機會俾其他更有利可圖的角色做。同樣期待再開。

Temple Raider及三國群英錄開唔切，留待下次。

最近買Game

最近又想買下Game仔，其實本身無目標，不過搵下搵下見到唔少新Game幾得意，研究左2日，講下心路歷程。

一開頭係見到呢隻 Ascension Tactics 先，$400，本身好想入，deck build雖然本身麻麻，但加上版圖既戰棋模式，興趣大增，雖然英雄既棋零售版只係Token，不過雙面版圖加上大量地型可以砌到好多戰場，超過300張卡，有超過30個英用，又支援2-4人，好想有一隻可以多個2個人混戰既Game，而且KS出緊2，到時可以混埋一齊玩，好似幾正，可惜我好糾結英雄係無HP同埋攻防只係好簡單咁對比攻防的攻擊力及防禦力，無骰擲，基本上攻擊得防守方就會即死，設計師宣稱呢個設計係唔想係玩家部署一大輪之後又要係判定時再搞一輪無法確定個輸出，而英死亡係好容易再叫返出黎，變左個英既感覺唔大，好似工具人咁，感覺上好似少左份熱血，而且遊戲過程好似好短，deck build果part未玩得夠入，而戰場上又快速結算戰果，好似兩邊都唔夠咁，最終放棄，但如果再平D都會想買黎試試。

跟住又見到呢隻 Deranged ，玩法幾吸人，而且支援最多6人，有少少似 Betrayal at House on the Hill 山中小屋，玩家被詛咒困係小鎮，每回合分早晚，早上行動唔消耗神志，晚上就會，玩家要盡快去清除自身的Curse，同時係夜晚就會有怪出，視乎劇本有不同變化及規則，而且當中會有玩家會中左Deranged的Curse，要解就只能在晚上殺其他玩家，其他玩家被殺後會再復生(因為你係被詛咒係呢個小鎮)，同時原deranged的玩家就會將果張卡交俾你，遊戲在最後睇下邊個玩家清晒詛咒為之成功，反之就失敗。遊戲既要合作對抗怪物，否則會好快失敗，同時又會有玩家中deranged追殺其他玩家，感覺好有趣，又有唔少物品卡俾玩家係小鎮週圍搵，美工特別，不過遊戲只有3個劇本，而且本身有山屋諗諗下都係放棄，價錢好吸引只係$280。

跟住呢隻想買好耐，不過佢個盒好長，收納好似好煩，遊戲都幾兒童向，玩家扮演天神，派出你的人去四出搶佔VP，基本上係純技術向的遊戲，可能同以前我有既Mirco Mutants 有D似既關系，我又覺得幾吸引，中文版連全擴都係$300，連全擴似乎可上6人，不過無咩人有興趣咁，最終無入。

Deep Madness，模型好吸引，玩法都正，而且劇本既怪物隨機生成，本身模型種類都幾多，能力各異，不過遊戲每次應該都需要用晒6個角色，就算Solo都要控6個太累，而且遊戲難度似乎唔低，容錯率低，好似好易會有Alpha Player既情況，因為容易輸你睇到佢既失誤唔提又說不過，所以就算佢上到6人，我都應該唔想6人一齊玩，可能2-3人最好，價錢都唔貴，中文版$500，思前想後仍無入手。

除左以上，重有好多game都有諗過，例如INIS ，Titans ，A&A 1940 Pacific ，The Hunger 等等，最終都無入，原因各異(當然最主要係錢同地方啦，唔啱要放售好鬼麻煩)。

BTW A&A 1940 Pacific 賣緊$240真係平到傻。

最終入左一直想入無入既 Northgard 同埋 Arena of Gods，Northgard 節奏好似幾明快，畫風吸引，上到5人，等唔到佢特價了，略貴接近 $600 外都無咩缺點咁，應該就快收到開完再寫感受。

Arena of Gods呢類可以6人混戰既類party game以前都買過唔少，不過都係一般，呢隻唔洗$240入埋佢，用生命bid裝呢個設計幾好，每次對戰都有唔同combo，裝備選擇都算豐富，畫風吸引就入手了。

就係買左呢2隻Game之後，走去睇返一隻以前買過同系列但失敗透既Game Starcradia Quest星卡迪亞戰記，中文版就算特價到 $300本身都吸引唔到我，但竟然發現有得賣一個叫做 Showdown既擴展，將隻Game由劇本任務向變成純PVP向，咁樣實在好吸引，重支援2-4人，重支援埋以前系列既基礎同部份擴展(即Arcadia Quest / Inferno / Pets / Raiders )。

搞到我心好想試，但同時之前失望透既陰影仍然籠罩，心情矛盾，經過2日沉澱稍為平靜返。

CMON近日又宣布左新game，特別係ASOIAF既小規模版戰棋，以前我都買過SET CORE返黎想改但失敗，唔記得左點解，依家佢出就睇睇整成點，但我最關注佢10月果陣宣傳11月曼谷展覽果個post，其中出現左魔獸既部落獸人，但展覽結束目前為止見唔到任何有關消息，唔知係咩產品。如果佢出類似符文戰爭之類咁既戰爭game我可能會發癲，如果佢出類係Battles of westeros 或者 battlelore 咁既Game都正。

自製戰棋 進度更新

 距離上次更新已經4個月，進展都唔少。

上次既進度如下：

目前已經正式成軍有4個族：

除左人類，精靈，亡靈及獸人外，蜥蜴人已基本成軍。

人類(未測試好火槍部隊的數值及能力、特長等)

火槍部隊已有一定測試，基本完成，新增兵稱：大天使，可為士氣較弱的人類，在戰鬥後期提供較高士氣，除了是人類的唯一飛行兵種外，在死亡時可指定一個已折損的部隊，救贖並回復所有已移除的模型。

獸人(近戰未夠強大，受制模型本身的外觀，不能設計得太強大，只能以數量及配搭發揮效果)

獸人的方向已定，持續強化獸人的特色，最新增加2個兵種，共計9個，亦因此克復當時因模型款式問題不能設計較強單兵的限制，新增的強獸人長矛隊及強獸人衛隊，為單兵實力較弱的獸人增加了一些額外選擇。

精靈(希望搵到令我滿意既飛龍模型、另需增加法術方面的部隊或能力)

精靈應該不會增加飛龍模型，搵到來自Kemet的模型獅鷲獸加入，法術方面增加了靈語者，但靈語者未測試。模型廠推出了新的精靈騎兵，如無意外將入手並取代本身的半人馬部隊。

死靈(復生的規則未確定如何執行，屍毒效果未測試足夠，另希望搵到1個配合的大型模型加入)

復生規則已有暫定，新屍毒效果亦已進行過幾次測試，但感覺仍未足夠，新增來自Battlore的不死飛龍加入成為腐化飛龍，另搵到Deep madness的模型，成為骨肉吞吐者，每當有一個部隊被消滅，骨肉吞吐者會獲得 1 個通用標記，每個通用標記可以用作抵消 1 點傷害，設計的方向是，不死族在前線可能會較易發生消耗戰，不死族的復生及屍毒能力會慢慢彌補本身較弱的突破能力，而骨肉吞吐者強力的奪心技能(攻擊時擲出8-10點，可令目標單位暈眩-無法行動1回合)，雖然原生只有5生命，極容易被消滅，但只要前線能持續消耗及頂住戰線，後方的骨肉吞吐者慢慢被養肥，在最後階段對方已經無力反擊，如果一次過部署多隻，威脅似乎很強，但目前未測試。

組建中的種族：

矮人(缺少火槍部隊、機械化部隊)、北方聯盟(缺少特色，未決定實際方向)、

沒有進展。

東部王國(已決定維持較少變化的兵種選擇但兵種類型未全部確定)、

模型廠最新推出了騎兵單位，視乎情況可能會加入。

蜥蜥人(缺少遠程部隊，缺少更多適宜加入的大型模型)。

遠程部隊及大型模型已加入，不過兵種數量還希望可以增加多2種。

總的來說，仍然要繼續測試，要將趣味同策略性提升。