符文戰爭：戰爭之旗 Runewars：Banners of War 序章

既然RUNEWARS咁合心意 當然要入埋佢既Expansion，不過中文版未有聲音要出，決定唔等入英文版算喇，係BGC DL左個中文檔，就將佢中文化了。

呢個Expansion入面我最期待既係精靈族既森林守護者同利奧力斯騎手(獵豹騎手)，其次係新既策略咭，新增既Order Card，Desolation Token(荒涼標記)，7防禦力既主城，升級咭等等，基本上大部份新增既原素我都鐘意，除左指揮官呢Part。

每個種族都有2個新既兵種，精細度同Base Game差唔多，不過模型有輕微色差，而且長方形部隊既長方底座，較Base Game既長方部隊底座短左一D，圓形亦都係有類似情況，不過無大影響。

新增3塊圖板，不過切割比較差，合併到Base Game既圖板有輕微不對齊，而且表面無咁順滑，模型有些水口，情況同TI一樣，感覺所有FFG既Expanison質量都會較Base Game差。

加入左Expansion之後，兵力更充俗，對戰時感覺更震撼，亦令我覺得種族兵力的選擇數量上達到完美。

不過我最期待既精靈騎手同守護者，模型比例上我唔太滿意，守護者身為一個六角型兵種，對比Chaos Lord顯得細少了些，唔夠壓場，而騎手又好似大左D，唔夠靈動。

相反我最討厭的ROC巨鵬，造型似乎係8個新兵種中做得最好的，大大提升左我既觀感，而不死族同尤薩都令我滿意。

非常期待黎一次激蕩的4人大戰，黎緊會逐一介紹Banners of War既新原素，種族因應Expansion之後既變化，特別係不死族有唔錯的提昇，而且一躍取代精靈成為最有飛行優勢的種族。