魔法英雄：石泣

呢隻Game今日臨訓前都要寫一寫 記得好似係上年買 睇佢既介紹講得好精彩 又話點點點多樣多變 幾多百次Play Test 結果就買左返黎 雖然係幾廿蚊 但係就係因為呢隻Game 我從此對大陸出既Game好有保留。

簡介:
最多支援6個玩家 每人係一個魔法既國度四出招募奇幻的生物加入你既陣營 並從中收集勝利所需的物品或將你的對手殺死。

特色:
大富翁式既行棋模式與版圖，有4大種族幾十種生物，沒有重複，幾十件物品與草藥，草藥物品又可以合成為另一種效果既物品。玩家主要透過踏中對手的棋子向佢發動攻擊，將對手打敗，然後拿取其手上的物品及血量。玩家亦可互相交易器物以盡快獲得所需的勝利條件以贏得遊戲。

內容玩法:
Skip 有興趣既話可以自行到國內網頁搜尋玩法。

總結:遊戲強調多樣化的勝利路線，但係資訊透明既情況下，任何人都唔會有興趣交易出勝利物品以讓對手向勝利向前一步，玩家只希望強化手上既生物，盡可能贏得戰鬥，但每隻生物都有特殊能力，亦需要攻守玩家配對戰鬥，當人多一齊玩既時候，將D生物併黎併去，D技能睇黎睇去，問黎問去，但技能設計又不見得有深度，簡單既戰鬥系統卻被嚴重複雜化，其他等既人睇到頭都暈。由於無人希望自已既神器落入他人之手，所以神器既交易可能接近無，玩家除非到要死，否則都唔交易，結果係遊戲時間變得好長，又煩，又悶，最終都係未有最終勝利者之下Cut Game。

遊戲既內容聽落豐富有趣，美工幾十蚊原創遊戲黎講尚算可以，但系統唔完善，或者你Group人已經熟晒所有生物既技能唔洗下下併黎併去，又或者好似有D人玩大富翁Set時間結算計分，否則你要玩到有人最終勝利，絕對係意志力既大大考驗。除非你好鐘意收集怪物去打你既對手，唔介意怪物技能設計得有幾表面，又或者好鐘意無無聊聊係咁擲骰行打，擲骰行打幾粒鐘最終殺光所有對手贏得勝利既虛榮感，否則強烈唔建議。