上回講到 Josh 係牙醫診所大戰喪屍，轉眼已經兩星期，佢同Ned 留守左係診所一段時間後，有2個幸存者亦都走到黎診所投靠佢地，但可惜食物已經唔多，佢地決定放棄診所，再去搵新既地方落腳，一行人去到一個小鎮，佢地發現當地喪屍唔多，而且建築物完好，決定係附近建立新既據點，但因物資不足，佢地決定先係小鎮上搜尋物資……
新加入既幸存者 警員Phil 及迷路文員 Doug，由Josh 帶領，深入小鎮，係呢個時候，佢地聽見小鎮街尾有警笛聲，「難道有生還者？」Phil心想，於是大伙一面搜尋，一面接近警笛既方向，「即使無生還者，或者可能會有彈藥武器！」Josh 想道。
佢地需要將區域上的紅色X標記全部拿取以示搜尋完畢，所有幸存者必需到達EXIT位置以難開小鎮。一行人到達街角，展開行動，由於附近有多個建築物，裡面有幾多屍不能估計，Phil提議先去左手邊既小房子檢查以充足成員的武裝。
一行人快速走到該房子，破開大門，只見撲鼻而來的屍臭味，他們已經幾個星期無聞過這些令人反胃的味道，但卻重新刺激他們備戰的心態。只見客廳空無一人(屍)，Josh，Ned，Doug小心翼翼進入單位，隨即發現一男一女屍係廚房同睡房撲向眾人，似乎係成屍後首次聞到鮮肉的味道，幾響槍聲之後，屍塊倒地不起，單位的男女主人從此長睡係自已的家。
屋外守候的Phil見街道上開始出新的喪屍，而且異變體都係警車附近，似乎槍聲與警笛聲已經引導它們過來。他提示眾人搜尋武器彈藥物資速速離開！
大伙係屋內搵到滑膛槍，散彈槍等，跑到屋外向直奔過來的喪屍開火，眾人且戰且退，Phil認為係時候進入右邊較大既建築搜尋，否則喪屍愈來愈多就會太危險。Ned破開大門，同樣地屍臭撲鼻，單位內的喪屍都好像精力充沛，立即向他們湧來。
Josh Doug 左右開弓殺入屋內，而Ned即走入屋中仔細搜尋，搵到電筒，糧食等，而最重要係搵到一個空瓶，有望合成燃燒彈。Josh 望住Ned的空瓶，回想起上次的戰鬥，Wanda的死突然再次充斥Josh 的腦海，喪屍係呢個時候撲向Josh，幸得Doug及Phil 力保不失，殺退它們。
回過神的Josh 與其他人深入屋中，努力搜尋物資彈藥，Sub-MG，武士劍等都一一裝備，此時，異變體已到達門口準備殺入屋中。此時Josh 找到一桶氣油，並立即將其合成燃燒彈。Ned把握時間破開另一個出口大門，誰知街上已有喪屍，而異變體亦係屋前，大好機會Josh冷靜的再次投擲燃燒彈，它們立時起火倒下，旋即由屍臭味變為燒肉味，但當然無人願意品嘗一口。
他們把握時間走到對面的一所小屋再作搜尋，但默契不足，喪屍突進將他們包圍，而一隻從後追上的Runner 更咬傷了Phil，此時Josh 回想起當日Wanda 與Amy的死，佢發誓今日大伙一定會安全離開的，佢緊握手上的大刀亂舞，迅即與Phil突圍，而Doug 同 Ned 即拿手上的鐵筆與消防斧奮力抵抗，最終殺退所有喪屍。
至此，此區域都已經搜尋得七七八八，跑出呢條大街就可以離開小鎮返回據點，但面前卻是一架不斷響號的警車，大家為免夜長夢多火速跑到警車之後打算將警笛關掉，卻發現已經失靈。走在最後的Phil此時被後面的一隻Runner 趕上，Doug立即跑回Phil身邊用消防斧將其斬殺，然後掩護他離開現場，終於，眾人成功逃到街角，離開小鎮，任務完成。
 |
| 乾坤一擲 — 5！
包札後的 Phil 在據點點起剛才搜尋所得的香煙，Josh 走過來定神注視著Phil，說道：「要你受傷了…」，Phil 笑說：「我收埋左罐罐頭芝士腸，你唔好問我拎就當補償啦！」，Josh 回應道：「我都收埋左罐午餐肉…」
呢個任務過程比想象中容易，玩家一開始只要開第一間屋既時候唔出意外，快速搜尋武器，然後好似以上既進程，應該唔難過，雖然警車可以用同埋警笛可以走去熄左佢，但我覺得無需要，因為分散隊友更容易出現死亡，而且警笛會因為係搜尋任務物品時會隨機激活，被激活後將不能關閉，所以一開始走去熄似乎太冒險。任務唯一難度係任務需要全員存活既狀況下逃離，小心計算唔好心急應該可以輕鬆過關的。
|
沒有留言:
發佈留言