自製戰棋 進度更新

 距離上次更新已經4個月，進展都唔少。

上次既進度如下：

目前已經正式成軍有4個族：

除左人類，精靈，亡靈及獸人外，蜥蜴人已基本成軍。

人類(未測試好火槍部隊的數值及能力、特長等)

火槍部隊已有一定測試，基本完成，新增兵稱：大天使，可為士氣較弱的人類，在戰鬥後期提供較高士氣，除了是人類的唯一飛行兵種外，在死亡時可指定一個已折損的部隊，救贖並回復所有已移除的模型。

獸人(近戰未夠強大，受制模型本身的外觀，不能設計得太強大，只能以數量及配搭發揮效果)

獸人的方向已定，持續強化獸人的特色，最新增加2個兵種，共計9個，亦因此克復當時因模型款式問題不能設計較強單兵的限制，新增的強獸人長矛隊及強獸人衛隊，為單兵實力較弱的獸人增加了一些額外選擇。

精靈(希望搵到令我滿意既飛龍模型、另需增加法術方面的部隊或能力)

精靈應該不會增加飛龍模型，搵到來自Kemet的模型獅鷲獸加入，法術方面增加了靈語者，但靈語者未測試。模型廠推出了新的精靈騎兵，如無意外將入手並取代本身的半人馬部隊。

死靈(復生的規則未確定如何執行，屍毒效果未測試足夠，另希望搵到1個配合的大型模型加入)

復生規則已有暫定，新屍毒效果亦已進行過幾次測試，但感覺仍未足夠，新增來自Battlore的不死飛龍加入成為腐化飛龍，另搵到Deep madness的模型，成為骨肉吞吐者，每當有一個部隊被消滅，骨肉吞吐者會獲得 1 個通用標記，每個通用標記可以用作抵消 1 點傷害，設計的方向是，不死族在前線可能會較易發生消耗戰，不死族的復生及屍毒能力會慢慢彌補本身較弱的突破能力，而骨肉吞吐者強力的奪心技能(攻擊時擲出8-10點，可令目標單位暈眩-無法行動1回合)，雖然原生只有5生命，極容易被消滅，但只要前線能持續消耗及頂住戰線，後方的骨肉吞吐者慢慢被養肥，在最後階段對方已經無力反擊，如果一次過部署多隻，威脅似乎很強，但目前未測試。

組建中的種族：

矮人(缺少火槍部隊、機械化部隊)、北方聯盟(缺少特色，未決定實際方向)、

沒有進展。

東部王國(已決定維持較少變化的兵種選擇但兵種類型未全部確定)、

模型廠最新推出了騎兵單位，視乎情況可能會加入。

蜥蜥人(缺少遠程部隊，缺少更多適宜加入的大型模型)。

遠程部隊及大型模型已加入，不過兵種數量還希望可以增加多2種。

總的來說，仍然要繼續測試，要將趣味同策略性提升。

9月18日 2人局8小時

 久違的2人局 早2個月約 主玩2人Game

開首竟然唔係先玩以上4隻，而係試一試我既戰棋，2人測試除左一開始構思規則之後已經無試過2人測試，今次係第一次，流程順暢，玩左大約4-5個回合分勝負，人類帝國方大勝，可能骰運奇好，好多時都大量命中同暴擊，加上獸人第一次玩唔熟遊戲性所以差異較大，同時亦得到有用數劇再調整陣營平衡。整場連教一教rules，組兵，唔洗1.5小時，時間上很乎合預期，如果有機會睇下遲D開唔開到2個族打2個族既Epic戰場。

跟手玩左局Disney Sorcerer's Arena Epic Alliance，第二次2人局，未玩過都好快上手，初段感覺少慢，但一有人死節奏明顯加快，分數上係緊湊但策略上即使一方較弱但都唔會係分數上太輸蝕，感覺上係你策略好會令你贏得遊戲但唔會大勝，策略或大局觀較弱就必輸但唔會輸好多，都幾friendly，連簡單講解大約75分鐘完。

然後就玩今日主要目標之一，Skytear，差唔多由佢一出已經買，但到依家都唔熟rules玩得好少，上次玩完其實覺得唔錯，但放低得耐左佢本Rules我個人覺得好難睇，好似好多細節複雜得黎實際上其實又好簡單，規則個解說令我好難入腦，好難完整睇晒本rules，我都好少會睇唔掂Rules，呢隻Game係其中之一，為左克復同確定佢既地位，決定再開下佢盡量玩熟佢，今次感覺同上次一樣，都幾有趣，節奏都快，內容豐富多變，相對Disney Arena係完全另一層次，今次無花時間自組牌組打，我隨便用最後買既水系擴做我既隊伍加上全藍色牌就開始，即使如始都有一定趣味，如果可以常開其實唔錯。

Skytear玩完無睇時間，好似接近1830，可能大約2粒鐘，不過有唔少時間係睇返Rules，組deck等等，實際時間正常應該90分鐘左右。

最後就玩壓軸召喚師戰爭，呢套Game都買左一段時間，同樣好少開，最近各自買左D種族擴，又開黎玩玩。

連開左2場，新族能力都幾多變幾有趣，同樣如果可以常開玩得熟自組deck應該會幾好玩。召喚師戰爭我最鐘意係有得roll，而美工與舊版比新版令我投入度更高。

最終8點散場，無玩到超級夢幻大亂鬥。