最近搵到腳適合玩D較長既美式Game 提議開我最鍾意既 Runewars
好快就搵齊腳玩, 喜出望外, 放低左咁耐,我自己都要預先睇Rules重溫,
唔知係咪過左幾年, 經驗提升既關係, 感覺上幾繁雜既Runewars都覺得好易玩,
原本預6-8個鍾完, 最鍾連教連Set 6個幾鍾完到, 比想像中快, 而且過程順左好多.
玩完之後,真係好想佢出獸人同矮人擴, 就算唔可以加人數, 起碼多D族玩, 感覺就完美.
上遍話過FFG隔無耐又出Second Edition, 唔知係Runewars wargames既推出,會否帶動Runewars 2E 既進程, Runewars 到依家6-7年, 另一隻Twilight Imperium 2005年出, 06年出第一隻擴,2011年竟然再出擴, 當然Runewars同TI比地位不同, 相信再出擴機會唔大, 但出新Edition 再優化遊戲, 如改善英雄階段既玩法, 搶龍符, 戰鬥系統等, 再加上我覺得到目前為止, 無一隻Game比得上Runewars既Feel, 想搵類同既4X遊戲都唔太美式, 總之就唔夠Feel, 所以Runewars出新Edition, 配合依家FFG既坑錢玩法,新族應有望誕生. 而且Forbidden Star玩完, FFG重有咩類似既Game呢? Runewars universe 作為FFG親生仔, 應可更有作為! 所以如果Runewars出2, shut up and take my money!
好耐無寫喇, 除左Keep住有人問我要Runewars中文貼條之外基本無任何人想起我.
無寫咁耐有幾個原因, 屋企環境轉變唔太有Mood寫, 無咩令我覺得非講不可既Game,
以及BoardGame已經相較我最初寫Blog果陣更普及, 更多高手拍埋Video講Game,
想透過寫Blog 推廣下Game既動力細左好多.
但我唔會完全唔寫, 如果有好Game都一定會寫.
除左以上原因, 重有就係FFG正式失去Game WorkShop license 既消息, 令我有D失落,
幾隻我期待出擴既遊戲隨住License既失去而斷纜 , 如Diskwars , Forbidden Stars, Warhammer Quest, Relic , 重有就係不斷推坑, 不斷出無限擴展買到破產既Game, Starwars, GOT, 真係好厭, 依家佢個款好似連Battlelore 2E 都應該收埋皮, 整左隻Runewars Miniatures Wargame , 又一個坑, 我對呢D坑真係毫無興趣 .
其他遊戲就愈黎愈縮皮, 是旦, 不斷翻炒食老本, Runebound 出到依家一個大擴都無, 坑爹Pack就出左4個, 雖然入左其中3個 , 但唔等於認同佢依家既轉變, 就好似依家D Game,咩都一大堆DLC, 削弱主體遊戲, 利潤最大化, 風險最小化, 隻Game出到半桶水, 玩家等佢出擴搖搖無期, 咩熱情都凍哂啦. 一係就出出下就出Second Edition, MOM 2011年出, 2016年就出Second Edition, 老實 ,5年太短, 我等到, 2011年我可以等到你2016年去買Second Edition.
當然, 人地係做生意, 唯利是圖正常, 無人迫你買佢, 但太商業化, 實在打擊左買Game既熱情, 依家睇FFG D Game, 一來就似閹割版, 跟手你就要擔心佢幾時先會出擴去補元成隻Game應有但未有既野, 然後再期待佢擴展有否更豐富既內容或突破 , 而係佢既角度, 全力摧谷最坑錢既產品, 然後等到你嘔先出下其他線既低級擴展.
但作為美式桌遊既龍頭, 有實力去制作精美配件既公司, 曾經出過大量經典遊戲, 但今日, FFG我只係睇到佢努力挖坑坑錢, 我期望可以搵到一隻如我所願既桌遊機會變細左 , 不禁有所落寂.
