無寫咁耐有幾個原因, 屋企環境轉變唔太有Mood寫, 無咩令我覺得非講不可既Game,
以及BoardGame已經相較我最初寫Blog果陣更普及, 更多高手拍埋Video講Game,
想透過寫Blog 推廣下Game既動力細左好多.
但我唔會完全唔寫, 如果有好Game都一定會寫.
除左以上原因, 重有就係FFG正式失去Game WorkShop license 既消息, 令我有D失落,
幾隻我期待出擴既遊戲隨住License既失去而斷纜 , 如Diskwars , Forbidden Stars, Warhammer Quest, Relic , 重有就係不斷推坑, 不斷出無限擴展買到破產既Game, Starwars, GOT, 真係好厭, 依家佢個款好似連Battlelore 2E 都應該收埋皮, 整左隻Runewars Miniatures Wargame , 又一個坑, 我對呢D坑真係毫無興趣 .
其他遊戲就愈黎愈縮皮, 是旦, 不斷翻炒食老本, Runebound 出到依家一個大擴都無, 坑爹Pack就出左4個, 雖然入左其中3個 , 但唔等於認同佢依家既轉變, 就好似依家D Game,咩都一大堆DLC, 削弱主體遊戲, 利潤最大化, 風險最小化, 隻Game出到半桶水, 玩家等佢出擴搖搖無期, 咩熱情都凍哂啦. 一係就出出下就出Second Edition, MOM 2011年出, 2016年就出Second Edition, 老實 ,5年太短, 我等到, 2011年我可以等到你2016年去買Second Edition.
當然, 人地係做生意, 唯利是圖正常, 無人迫你買佢, 但太商業化, 實在打擊左買Game既熱情, 依家睇FFG D Game, 一來就似閹割版, 跟手你就要擔心佢幾時先會出擴去補元成隻Game應有但未有既野, 然後再期待佢擴展有否更豐富既內容或突破 , 而係佢既角度, 全力摧谷最坑錢既產品, 然後等到你嘔先出下其他線既低級擴展.
但作為美式桌遊既龍頭, 有實力去制作精美配件既公司, 曾經出過大量經典遊戲, 但今日, FFG我只係睇到佢努力挖坑坑錢, 我期望可以搵到一隻如我所願既桌遊機會變細左 , 不禁有所落寂.
想請教一下如果中意玩戰國風雲類型既game，有冇類似，打仗，有token，適合4-8個人既board game推薦。謝謝
回覆刪除我細個都鍾意玩Risk,我諗口味應該差唔多,跟據我自己既演化過程,你可以睇下Axis & Allies ,但唔好入1941 ,可以入1942普通版(5人)或1940 Europe及Pacific加埋(6人),Risk Legacy(5人)但係Risk類呢隻應該最正, 或者一戰(好似最多8人), 如果熱兵器唔岩可以睇下IKUSA(5人),如果再策略小小,唔再停留係擲骰,可以睇下Magnifico(5人),Game of thrones(6人)及Shogun(5人),好既打仗Game好難會超過5人,因為行1turn太耐,未到你可能已經俾人打死左,好易失衡.如果純粹想多人玩 ,其他唔理住,最低級別可以睇下Game of thrones Risk(7人版),最高難度就Twilight Imperium加埋擴上到8人(1局8-10小時)一般愈有深度既打仗Game,打仗已經唔係最重點,策略會愈黎愈高,可支持既人數會愈黎愈小.但有高策略唔等同有果種戰爭狂熱感.
刪除我玩bg唔係好耐，睇你個blog都學左唔少野。新手時期咩都唔識，最好既參考就係跟廠買。
回覆刪除所以我都係半個FFG fanboy，但而家都頂唔順
多D交流下,呢排都小左買Game,最近同frd想翻煲Runewars
刪除真心喜歡你的文字記載，也學到很多很多！Rune War 明顯地有跟你買，買下買下變左FFG 股東...
回覆刪除沒有你我也未必繼續學下去，所以唔好以為沒有人看，加油加油！:)
多謝,你係有男神之稱既Ross大大嗎,我都有睇你既片呢!最鍾意你對桌遊果份熱情,有時我冷卻左既心情睇睇你既片都可以俾你激發返!
刪除此留言已被作者移除。
回覆刪除要Runewars中文貼條的好像是我, 一直有在follow你的blog! 介紹的遊戲都頂有趣, 也因為看你blog入手Runewars, Battles of Westeros全擴..真心希望你能一直寫下去, 加油!!
回覆刪除多謝支持,希望我D意見唔係山埃就好喇,haha!
刪除