首先佢係FFG當前火熱的戰棋類遊戲，擴展陸續推出，而且又係我鐘意既奇幻背景，加上美工及模型都唔錯，以及Lore Card既系統，其實係好有實力既遊戲，但係，自Battle of Westeros 或Tide of Iron之後，對於要用Command Card去指令部隊移動的方法實在開始討厭，特別係有一些部隊落場後由頭到尾佢都係無郁過，實在係有違常理，而係前線既部隊由於已經接戰，基本上你都會盡可能指令佢地去攻擊，避免未出手已經被對家擊殺，所以正常黎講你只會不斷對最前線的部隊行動，你行動到而對方行動唔到既話，優勢就會大增，呢點我係之前既介紹都有講過，可能有人會唔同意，但呢個問題對我黎講實在困擾。
加上版圖太細，戰場縱深不足，VP計分的方法小左一份大軍衝殺既熱血，反而好似特種部隊般去偷果少少VP，優點固然係有，但唔岩我口味。
咁有好既硬件，點樣可以改一改個軟件--規則 去令隻Game更適合自已呢？
要改既地方當然係命令部隊呢Part，我鐘意係一個大回合中，所有的部隊都可以移動既方法，
所以打算會咁做：
1) 每回合你會獲得一定數目的指令點，例如係12點，指令部隊行動時，所消耗的指令點等於該部隊的費用，例如你想移動一個步兵隊，就消耗4點指令點，移動混沌王就消耗8點指令點，被指令的部隊就如同原規則用咭指令的部隊一般去移動及攻擊，被指令的部隊放一個指示物在旁以標示該部隊本回合已經行動過，在本大回合中，不能再被指令。如有剩餘的點數不用則棄去。為免遊戲被拖延，每回合中玩家如可能，必需移動至少2個部隊。
指令時，你係一次過對若干個目標下指令，直至沒有指令點為止，然後再移動及攻擊。
然後對手就獲得12點指令點，輪對對手下指令。
2) 戰場，遊戲原本既戰役模式我無諗過配唔配合到呢個新既指令玩法，因為我係唔會用佢本身既戰役咭去砌戰場，而會到FFG的官網，用佢既地圖編譯器去設計一些簡單的戰場，然後，依據自已的喜好去制定呢場戰爭的軍團值，就如同原本既規則一樣，各自執自已想出既部隊，不能超過擬定既軍團值上限，如70點，當中亦可考慮加入一些規則如：小型戰位(正方型底)的部隊數量不能少於其他非小型戰位的部隊數量)以免一方兵力太多，一方太少等問題。當然我認為呢個問題已經係指令點系統中被一定限制了。
布兵的方法，除了自已設計外，一般當係遭遇戰咁玩，就只將兵方布置係最邊緣的兩行，布兵的方法亦同樣用原規則，則用咭翻轉布兵。
(去到呢個位我諗過，放好部隊咭在版圖上後，不用如原規則般翻開給對方查看，而係保留所有咭係戰場，當你對某一部隊下指令或被攻擊時才需要翻開，另外當對方部隊進入未被翻開的部隊咭2格範圍內，那些咭就要翻開布兵。如此可以加強戰場迷霧效果。你可能會問，4格內就要翻開，咁點可能會有被"攻擊時被翻開"呢個情況，有的，例如人類的魔法飛箭，攻擊範圍大增，咁就可以未知道係咩目標都可以攻擊果張咭。以揭示果個係咩部隊。)弓兵或許會因為這個修改而增加用途用以偵察隱藏的部隊咭。
注意，在沒有布兵的位置將以草人取代，所以並不等於所有有咭既位置都係部隊，可以愚弄對手。而揭示草人亦當作為一次指令，則玩家在第一個大回合結束前，不能不揭示未揭示的部隊咭，迷霧亦會在第一回合後完全消除。
另亦可增加策略心戰既成份，例如在布好咭後，規定雙方必需翻開某個數量的部隊卡布兵，例如開戰前必需翻開3或5個部隊。咁就唔會太盲目進攻。
3) Lore Card，小弟未買Expansion，以Core Set計，人類有2張咭應該不適用，就係獲得2VP的咭，而尤薩就有3張不適用，除了2VP的2張，另一張係講你拿走對手剛打出的指令咭，你給他一張新的取代。而部份咭會話，你打出的指令咭之後點點點，你可以無需拿走，只需簡單的自將其視為"你落指令後"就可以繼續使用。
當然，咁樣改會唔會令到兩邊種族失衡，我實在不知，但不要Lore Card既話遊戲就少了一份趣味與層次，在平衡與趣味之間，我會選擇趣味，相信影響不大。
4) 取消Command Card，以指令點代替在第一點已說過，只係講返取消Command Card可能會令部份兵種被削弱，例如人類既箭手。不過，我覺得可以透過玩家的部署去自已平衡返既。
5) 勝利方式，當然可以自設啦，不過我就唔太鐘意玩Hold 住某一兩點每回合獲得VP既方法，初步構想係例如布兵後，玩家擲骰決定誰攻誰守，攻的一方要攻陷守的一方的大本營為勝，而守的一方可以係擊殺對方超過50點分值的部隊為勝。又或設計一個易守難攻的地圖，一開始已經擬定攻守雙方，攻方可以多守方20點分值的不對稱兵力，以攻陷大本營為勝，守方則需要守住X個回合唔失為勝等等。
以上係我既初步構想，還需要一些測試，但感覺會更貼合我想要既遊戲，唔知又適唔適合你呢？Expansion 暫時都係再等等睇下會唔會有中文版既消息，真係唔想又英又中。
