1個人的遊戲

最近想搵一D主題性豐富，有代入感既RPG GAME，可以平時玩下，但固定團既人似乎對呢D Game興趣不大，一直以黎，買邊隻Game既其中一項因素，都係要睇下有無腳玩，造成一D我好感興趣既Game因為可能無腳玩而唔買既遺憾。

呢幾日搵過一些可以Solo而有代入感既遊戲，最終有以下幾個選擇：

▲Arkham Horror 魔鎮驚魂 經典遊戲，有眾多既Expansion，不過呢隻Game既Setup時間同需要玩既面積都唔少，1個人玩開咁大壇野好似有D吃力，而且遊戲時間都唔短，但內容豐富，似乎最有Feel。

▲Eldritch Horror 全球驚慄，可以講得上係魔鎮驚魂既簡化版，好處係時間短D，無咁多Rules，無咁多野Set同玩既空間無咁大，而唔同既王亦都有唔同既勝利條件，簡化左既版本會唔會同樣意味住過程可能無咁細膩，代入感會唔夠Arkham Horror呢？

▲The Witcher Adventure Game 狩魔獵人，目前尚未出版，雖然寫上2-4人玩，但我估計應該可以/可能有變體Solo，以背景黎講我比較鐘意呢隻Game，佢既怪物Token亦都幾靚幾吸引，但GenCon玩過Beta既人似乎對呢隻Game感覺麻麻，希望並唔係最終既成品。

至於其他如ThunderStone 雷霆之石，Mage Knight 都可以Solo，但我自已唔多鐘意DBG，特別係放入RPG入面，所以就放棄了。

▲Imperial Settlers，後備名單，一樣可以Solo，但代入感當然唔及得上RPG，但仍然幾有興趣。

目前黎講我比較會入既係Eldritch Horror，中文版亦都就快出了。

＊圖轉自BGG

13/10 話咁快就決定左唔等Eldritch Horror 了，先買Arkham Horror，最令我有保留係玩既空間唔細，不過實在俾佢既眾多配件吸引，黎緊收到玩過之後定會送上我既Solo戰報！