重建區域控制類遊戲

 過去一段時間因為人腳關系，又要抽時間設計我想要既戰棋，加上有限的收納空間，一定程度上割捨左我最鐘意既區域控制類遊戲，依家人腳組合又有轉變，戰棋設計又已到一段落，見返D我曾經擁有既區控game，真心知道自已最鐘意玩呢類遊戲，遂決定重建有關的收藏。

對我黎講區控遊戲控制的區域並非抽象的空間，而係實在有地形影響或有資源影響，模仿一D地區的空間，並且玩家需要使用軍事力量將其控制，軍事力量有具體的實體表現，一眼可見彼此實力落差，最好有不同兵種，然後可透過對其他玩家的直接對抗而擴張，達到勝利條件。

不過我發覺都過左20年，令我心動而又符合我定義既區控遊戲其實唔算太多，一直保留住符文戰爭，第四版既Twilight Imperium以及Northgard。

其他較舊既區控，RISK 2210 , Shogun ,   Game of thrones,   Nexus Ops,  Cyclades , Kemet , Ikusa , Chaos in the old world 等呢D都已經無keep。

決定重建，最近入左新版 El Grande  大領主，Risk Europe ，新訂左Inis翠嶼秘境+擴，Inis一直想玩但無足夠衝動入，終於迎來時機。

El grande一隻舊Game，未玩過但似乎唔錯，而且有個塔，基於我應該唔會再入Shogun，有個類似既塔有取代感，加上新版決定入手。

Risk Europe之前買過但最終無keep，本身覺得佢個新設計唔錯，個兵種之分，又有命令卡，基本上唔可以叫Risk，但覺得未設計得夠好，以為佢會再以呢個基礎出其他主題，暫仍未有，基於佢4套兵造形各有不同，遊戲時間唔長，價錢唔貴，決定都係重新入手。

Inis  ，見唔少人同BloodRage比較，Inis都勝一籌，bloodrage一來玩過chaos in the old world，二來佢唔太算係好有我所定義區控感，最終決定入Inis，期待。

暫時收呢3隻，再加上較早前又入返新版Memoir' 44，暫時收一收手。

其他有興趣可能會入既區控：新版Cyclades(轉左木棋吸引力稍低)，新版Nexus Ops(情意結故等佢平D先入)，Battle of the Deep(本身有興趣但慢慢淡左，因為遊戲非常傾向不斷戰鬥，唔肯定會唔會悶)，The Last kingdom(價錢唔貴評價唔錯，配件一流，但唔肯定啱唔啱玩，等特價會入)，Godstorm(低2210唔知依家玩會唔會覺得太簡單，但幾有興趣，可惜4個民族竟然無能力差異，如果價錢吸引可能會入。

Legions imperialis 修改玩法 續

 又過左幾個月 繼之前決定左大約玩法之後 全力推進。

因為好想做到巷戰既感覺，又買入左 2 set 地形，入左set  Sabra Tank 改佢改成噴火坦克同迫擊炮坦克，買左塊board自已畫格，之前用battle of westeros既板，格有D細，同埋太綠草如茵咁，畫完效果都幾滿意。

覺得Legions imerpialis既地形好靚好有feel，忍唔住好想推砌出一個城市既感覺。

大致上地形已經9成滿意，最近用黏土整多D小形廢墟，效果都幾好。

持續微調修正緊兵種設計同數值，solo自high黎講感覺都7788。

整到咁上下尚未完整玩過一場，通常試到一個位覺得要改就停再執執。

隻Game入左手一年，基本上都可以如預期咁改成我想要既玩法，很滿足！呢隻game只會有限投資，唔想整到太大陣仗變得拎出黎撚既時候覺得吃力，黎緊除非有好有趣既兵種又適合放入去都會收，否則都差唔多完成了。

改呢隻Game令我完成左低成本下自已畫board，以後再有其他Game想改會更大彈性，黏土整地形亦係一個新嚐試而且效果唔錯，可以應用係更多不同遊戲，成本大降。

黎緊將會開始新project : Wargames Atlantic出既Grand battle scale : Classic Fantasy  , 最新出既獸人已經preorder，呢次希望既可以保留佢原先既玩法，又另設計一個類似battlelore既玩法，到時再分享。