聖符國度 第五版 Talisman 5th edition

近年AH狀態回勇，繼近排強勢狂推經典桌遊 HEROQUEST及其大量擴展後，又再推出經典Talisman 5th edtion，而我22年先決定重新入手第4版英文版，入齊6大主要細擴,末世大擴同上年年尾入埋龍擴不久就宣布出第5版，當下有D驚，始終Talisman 第4版依舊有佢既不足，如果第5版大幅改善我就唔知點算好，特別係驚佢會參照Relic既改法。

終於近日開始pre order，可以一窺新版有咩唔同。

封面幾有feel，靚過第4版。

主要系統似乎同4版差唔多，都係力量；法術；生命3大屬性。

不過D咭大張左好多，模型亦都靚左，睇慣左同對FFG的美工有情意結下，新版圖畫無令我心動。而版圖設計抽牌方法都無咩變，即係玩法應該都無咩變，Core set約有100張卡，同4版差唔多。

遭遇順序似乎亦無改，即戰鬥方式應該都無改。咁既情況下頓時安心晒，就咁睇我都係鐘意4版多D，而且咭細細張，我一盒裝晒過千張咭個感覺好正，依家呢個情況，我可能會買埋4版既City擴同Woodland擴，City擴我只用部份卡同唔用版圖，直接將原city果格改做可以買野，而Woodland就照用，諗諗再決定。