今日講下呢隻Game, 買左一排, RELIC 呢隻Game 背景係Warhammer 40K , 系統同 Talisman 聖符國度大同小異, 但有唔少優化 , Core Game 支援 2-4人 , 加入 Nemesis 擴後可支援2-6人.
你來到4萬年後的未來太空世界, 各勢力紛爭依然, 你要在眾多威脅下比其他人快完成你的目標以勝出遊戲.
Core Game入面有10個角色, 能力各有不同, 造型特別.
而玩家選擇好角色後, 會將角色咭置於一個數值等級記錄版塊下, 標示出當前角色能力, 紅色係力量, 藍色智慧, 黃色敏銳 , 綠色為生命.
而中間就記錄當前等級,用於識別升級需要的戰利品點數及升級後可獲得的獎勵, 例如可以升一項能力值1點, 獲得法術咭, 獲得影響力, 及一些特定角色的能力等等. 不過角色模型係可以安裝係你選擇的顏色的棋子上, 但不知是否設計有誤, 極難安裝, 基本上我都唔裝, 由於角色造形特徵明顯, 故仍然容易察看該棋子既歸屬, 問題不大.
▲Core Game有5個劇本, 除左最基本衝入中圈為勝外, 重有需要打終極Boss等勝利條件. 開局時決定玩邊個結局, 然後置於中央的格子中.
基本玩法簡單, 玩家先擲骰決定本輪可移動步數, 然後先自己決定向左定向右行, 視乎邊個區域會有利於你.
移到該區域後, 按該區域指示, 可能係抽威脅咭 , 可能係擲骰看你發生什麼事.
而遊戲其中一個核心就係威脅咭 , 威脅咭有3個顏色, 正對應角色的三大能力,
力量, 智慧, 敏銳, 你可以移去你較專長的能力去探索威脅咭, 故在移動選擇上較Talisman 為佳.
如果你選要抽紅色威脅咭的區域, 按該地區圖示抽多少張紅色牌, 紅色大多會要求你驗證你的力量, 或與力量型的怪物戰鬥, 但亦有小量需要用其他能力應付的威脅咭 , 故此未必可以咁安心抽牌, 或會出現意想不到的意外.
打怪物方法同Talisman 一樣, 雙方擲骰加上自身力量, 如Roll出6則可再擲並加上原先數值 ,大的一方勝利, 如果玩家贏出, 可將那些怪物納為戰利品, 待足價值就可兌換升級 ,如玩家輸了 , 需耍扣1點生命.
版圖上有些地點可以回血, 只是你撐到落去, 死亡的玩家會reset角色狀態重頭開始 , 所以死亡雖然唔會out game, 但代價都很高昂.
除左威脅咭, 重有RPG必備的裝備咭 , 法術咭, 任務咭, Relic 咭及墮落咭 Corruption Cards.
法術咭除了一些一次性能力外, 亦可直接使用其數值, 可代替擲骰 (移動或戰鬥 ) ,
感覺上愈弱的法術數值愈高, 算係幾好既平衡方法.
任務咭係玩家遊戲中的小目標, 當完成就會再抽一張並保留完成的一張, 當你擁有3張已完成的任務就可抽一張Relic 咭, 而Relic 咭本身亦係較強的裝備, 同時亦是玩家要入中央格子完成終極目標的入場卷, 一日沒有Relic咭, 就算你無雙上身都無法進入中圈區域. 而Relic 咭的獲得並不是很難很費時的 , 有時一些事件或怪物已經會給你一張完成的任務, 唔會因為無Relic咭而太拖延遊戲.
裝備咭, 一些區域可以用影響力購買 , 而裝備好多都唔係永久, 如下圖的劍, 註明
Charges : 2個閃電, 你就放兩個閃電Token 上去, 如你需要, 你就棄去1個Token 以獲得該武器的Bonus , 我覺得呢個設計唔錯, 更有Feel , 亦可平衡強者衡強問題.
略嫌裝備咭用呢個方式的美工一般 , 通常武器類(用於打怪)會有耐久度, 而護具(用於能力測試)的就無耐久度.
除左怪物戰鬥會對英雄生命造成有威脅外 , 墮落咭亦係一個重大威脅 , 墮落咭可能會係打怪既時候要你抽墮落咭, 又或觸發到當前故事要你抽, 如抽出的墮落咭所示之數值等於或大於你當前擁有的墮落咭(計埋剛抽到的一張) , 將其face down keep係你的場上 , 只純粹視為你被腐蝕了一次 , 但如果該數值小於你的墮落咭數 , 你要face up 將其效果執行, 有好有唔好 , 有一次性亦有永久性, 而呢張咭亦保留計算作腐蝕次數.
當腐蝕次數去到6張, 你的角色墮落了, 你必須用新角色重新開始.
介紹到呢到差唔多喇, 我自己有玩過 Tailsman 但已賣出, 後來見到呢隻覺得係Talisman 既優化版就入手, 而就遊戲而言, 佢絕不是什麼好遊戲, 系統同玩法都好懷舊, 既沒什麼策略, 沒什麼思考的地方, 但遊戲勝在簡單, 如果你想搵D簡單得黎有輕微內涵既話呢隻可以考慮, 遊戲時間如果5-6人玩, 可以玩4-5小時, 單人solo 用house rule既升級方法 ,2個小時內可完.
我自己比呢隻Game 既美工吸引, 所有內容都好靚, 由於FFG已失去GW license , 呢隻game 應唔會再出expansion , 我自己入左Core + Nemesis擴, 另外重有隻 Halls of Terra 未入, 我覺得Core + Nemesis 已足夠 , Nemesis 擴加入左PvP 系統, 亦有nemesis 角色可以選用 , 有著同其他玩家全不一樣的勝利條件 , 而且最重要可以去到6人遊戲.
呢隻Game比較Talisman 更流暢, 係簡單既系統上加入左小小深度, 例如法術咭的優化, 地圖設計無Talisman 咁多無關痛癢既內容, 將有趣既遭遇放哂入威脅咭中, 而威脅咭亦較Talisman 做得好, 分左三大類, 你可以更有原因地選擇移動既位置, 而三類威脅咭大多是怪物需要戰鬥, 比Talisman 更緊湊, 而且怪物好多時都有有趣既效果同結果. 5個故事模式可選, 增加耐玩性, 而且都各具挑戰, 進入第二層同中央區比Talisman 更容易, 差在你的角色是否已經ready 接受考驗.
總的來說我好滿意呢隻簡單無腦RPG Game , 佢既美工實在好吸引, 比Talisman有更佳更有趣既玩法, 但如果你未玩過 Talisman 唔知個遊戲性, 建議先試試或者睇下Game play , 趁住重有得賣我就趕緊寫下呢隻Game.
主觀評分：4/5
客觀推薦: 2.5/5
策略度：1/5
簡易度：4/5
耐玩度：3.5/5
氣氛：3.5/5
沒有留言:
發佈留言