過去幾個月可謂我既桌遊低潮, 無咩好Game入到手, 有期望既Game都失望,
舊Game 有好評既, 可能都真係舊, 差又唔係差, 好又唔夠, 可有可無,
新Game 唔知係自己問題定點, 覺得最近一年 D Game 感覺怪怪, 唔係太吸引, 重有D伏,
搞到舊Game唔敢買, 新Game窒住買 , 很不好受.
不過呢排都有D比較令我激動既消息:
Zombicide Black Plague 將於5月尾KS出新一章Zombicide: Green Horde , 主題係獸人同哥布林喪屍, 雖然未有更多內容或圖片 , 但造形應該吸引, 再加上一定有Boss, 如果喪屍能力比現代版擴有更多創新, 會back既機會唔細, 但Cmon已經係上市公司, 是旦出隻Zombicide 都可以大收, 敢唔敢大膽革新係疑問, 再睇睇啦.
而另一方面, FFG全力吹谷既Runewars Miniatures Game亦正式推出, 開頭唔諗住入, 但佢個Command System幾吸引, 不過最後都係決定放棄, 未玩過呢類Miniatures War Game, 唔知岩唔岩口味, 加上近排FFG既作風, Battlelore 2E出出下隔左咁耐都唔出精靈, Runewars Miniatures 又會唔會係未一定程度上complete之下又唔出呢? 加上Miniatures無上色, 自己一定唔會油, 所有族都係灰色, 即係趕盡殺絕, 加上一盒棋內容好少 , 要係咁買先造到個Feel , 移動又要用個牛龜咁大既Tray , 真係玩唔慣.
期望 Runewars Miniatures Game 可以帶起符文秘境其他產品既開發, 如Runebound, Runewars , 或者Runewars Diskwars .
而FFG係Runewars Miniatures Game推出後, 終於都肯出返個Runebound 正式大擴, Runebound : Unbreakable bonds , 今次主打係Solo同合作模式, 入面包含左5個劇本, 包括3個舊劇本轉化為Solo同合作模式(Core 的2個加上細擴既蜘蛛劇本, 3個小擴己入手), 另有2個全新劇本, 2個全新英雄, 新既PVE AI, PVE戰鬥似乎會更快, 新既怪物戰鬥Token (4個類別) , 當然一定有新Skill, 新裝等等, 但似乎無新版圖, 係既話都無所謂, 空間有限, 唔依賴出新Map去幫隻Game保鮮都係好既決定, 布望有新機制再改善隻Game, 預計今年第三季推出, 如無意外會入手, 到時或者一齊入埋PVP細擴.
最後就係Cmon 既A Song of Ice & Fire 戰棋, 同Runewars Miniatures Game 類似, 模型好吸引 , 而且有分顏色, 唔油都唔係大問題 , 不過又係要用Tray黎移動, 而且比FFG果個更大, 目前資料唔多, 可惜既係, FFG較早前背景相同的Battles of Westeros , 我已經入左基礎x2+鹿擴x1+白狼擴x2+紅獅擴x2+Tully擴x1+高山部族擴x1 , 如果唔係呢隻A Song of Ice & Fire有可能會試, 但都期待佢進一步消息.
今日講下呢隻係1月收到既Game : Arcadia Quest Inferno 阿卡迪亞戰記 地獄篇, 對我黎講係好失望.
等左成年, 佢既第一代我無入, 其實風格我鍾意第一代多D, 有機會出第二代當然買入支持.
除左Core Game 同個Pledge 包括既擴, 額外英雄怪物等之外, 另加購1set Plastic Token , 1set 立體Token去令成隻Game有更好既體驗, 加埋成個箱咁高, total $1000 , 都算值得.
模型數量龐大, 造工精美, 說明書全彩+厚重, 都算清析, 但其實規則簡單, 對有經驗既桌遊玩家就覺累贅.
簡單講下隻Game點玩, 正常係玩Campaign Mode, 分開多個關卡, 由第一重玩到打大佬, 合計要過6關, 而遊戲有12關, 每次過關都可以從2-3個關卡選擇中選1個 , 令每次Campaign關卡都可以有較為不同既體驗,增加重玩性. 並非合作遊戲, 每個玩家都有一個由3個自選英雄組成的公會,去為自己公會的勝利而戰 , 除左會遇上怪物的阻攔, 公會之間的英雄亦可以互相攻擊, 而每關有不同獲得VP的方法, 任一公會獲得3VP時, 該關卡就會結束並核算幾個細項評分, 如誰獲得3VP, 誰賺得最多金幣等等共5項 , 在完成整個Campaign之後結算各個細項, 表現較好就係勝利者.
每次過關後, 玩家可以用從剛剛賺得的錢幣購買最多3件裝備, 每個公會會有個Dashboard, 分別用於放置3個你控制的英雄及其持有的裝備, 裝備除左強化角色能力外, 最重要係令到你的英雄可以在每次Rest之間做更多動作.
每次輪到你時, 你可以選2個行動中選1個: 啟動1個英雄 / 全體休息.
啟動1個英雄的話, 該英雄必定有3個Action Point, 可用於移動, 開/關門 等等, 並且唔需要損耗AP的情況下發動一次攻擊. 能否攻擊就要睇返該角色的裝備, 假如你裝有近戰短劍, 你就可對Close Range目標行攻擊, 擲骰比較造成多少傷害, 無論擊中與否, 使用後的裝備要放置一個Token標記, 任何有Token標記的裝備都不能再次使用.
而如選擇全體休息, 則你公會所有英雄裝備上的Token全部移除, 你可以再次使用它們.
大致上係咁上下, 聽落簡單得黎都幾有趣, 可以想像遊戲必定會出現混戰, 而我玩左1次, 連續玩左兩關, 感覺大有落差.
第一關, 玩家只有5件Starting Item, 所以英雄好快要Rest, 感覺有D單調,但都唔係問題, 大家都明白係一個Campaign Mode入面慢慢育成自己的英雄, 大家都努力搵錢(殺人/殺怪/做任務), 預期的混戰的確好快出現. 完成一關之後, 大家買新裝, 部份玩家完成左個別任務得到特別兵器.
收拾版圖怪物, 任務卡, 重新Set場搞左15分鐘 , 開始新的一關, 對呢隻Game負面感覺開始湧現.
我發現, 即使地圖大, 但係可走動既空間唔多, 走避其他公會追殺極難, 唔會有想像中巧妙的走位/補位, 當對方主動攻擊你時, 你雖然可以擲防禦骰嘗試阻擋傷害, 但防禦骰只有2面成功(其中1面係爆擊(當1成功並再擲), 大多時間都無法有效阻擋傷害, 而英雄生命小,好大機會被有比你強小小裝備的英雄所秒殺, 我個人完全唔介意俾人按住殺, 但每次果個公會殺人都可以獲得1金, 效益遠快過做任/殺怪 , 被Farm既機會大增.
你可以話搵人幫手,但另外兩個公會都會互拖後腿, 加上幫拖既成本高於一齊黎殺你, 有效地幫拖既誘因唔大, 雪球效應明顯.
最終係玩完2關之後, 無論係被Farm, Farm 人 或旁觀者都無興趣再落下一關, 除左人物走動視野規則感覺奇怪外,關卡與NPC的互動都沒有想像中有趣, 可以說乏味, 人物特殊能力與裝備及其他自家公會成員之間無法建立有意義的聯繫, 英雄都係無雙狀態, 你殺我一次, 我唔殺返你係無法平衡返果$1優勢, 於是大家都會傾向見人就殺, 做唔做到任,有幾多VP係6關之後的事, 但係過程中遇人殺人的快感係難以拒絕的.
完Game後大家都有傾過會唔會係今次經驗較為特殊,下次可能會有所不同, 但分析過遊戲中的各種元素, 著實並不是什麼好Game. BGG有8分的評級, 當中有幾多人只收到Game但無玩過?
可能會話, 再玩落去可能有改善? 可能啦, 但真係不抱期望, 而且要我玩5個鍾先開始可能變得有趣些的話, 我真係唔想再耗落去.
Setting 耗時, 要完整體驗6關可能要 8-9小時, 角色能力簡單無層次, 地城空間似大實小, 無深度的人物移動/攻擊規則, 數值與趣味未達到有趣的平衡, 怪物可有可無無什麼特別. 我好小評到隻Game咁死 , 整個遊戲就像東併西併, 毫不結實 , 單調, 重複, 無聊.
有諗過House Rule,但唔知平唔平衡到, 有時間玩下其他Game好過哂時間係佢到.
呢個係最近覺得最伏既Game, Back左佢無Back到 Massive Darkness, 以後對CMON出呢類輕策遊戲強烈保留.
