最近買Game

最近少左寫Blog ，黎緊會加返密少少， 講下最緊既動態先，

有隻好Classic既Game，名叫Stratego 戰略高，即美式陸軍棋，類似—般既陸軍棋形式，
但感覺雅致一D，後來Stratego 因應滑鐵盧戰役200週年，推出左Stratego Waterloo 200，

看似較Classic既Stratego更吸引，較早前賣成4百幾，就係上星期發現有減價只係$300，
立即買入，正等待派送，收到再介紹下。

另外，最近又入左隻FFG既舊Game，Civilization 文明帝國，見中文版價錢吸引，但一直被只能For 4人玩所阻，再加上一些意見認為要加入2個擴充先會完善，所以未有入手，不過最近終於忍唔住入左，亦開左場5人局，感覺OK，詳細介紹同玩後感稍後再另寫一篇。

重有就係，上年曾經入手既全套Warhammer Diskwars，玩過2次之後就賣左，但賣左之後竟然念念不忙，我一直希望搵到一個價錢合理，可以自組兵既奇幻背景戰爭遊戲可以入，原本對Battlelore 2E有唔少期望，但到今日決定唔會入坑了，主要係因為兵種需然加埋擴充有足夠的選擇，但係兵數卻感不足，例如我想出騎兵隊6隊，你就要再買多1set Core或者1set 擴，或者想組個步兵團都唔係咁夠兵力，滿足唔到我對呢類遊戲規模既要求，全套多買1set 又太貴，而且Lore Card 愈黎愈多，戰前準備好似愈黎愈花時間，準備工夫同實際戰鬥規模唔成正比，所以一直都好糾結。

當然如果你唔係好似我咁對個規模上有咩情意結，Battlelore 2E都係一隻上品。

就係咁，對賣走左既Warhammer Diskwars更加不捨，加上見市面上好似愈黎愈難買得到，FFG亦未必會再推呢隻Game，為免遺撼最終決定買返，Diskwars當然係規模上都有佢既不足，1盒Core有4個族，每個族有15-16個Disk，每個族有3個Leader去領兵，然後每個族有8-9個兵種，(一般如果唔係有咩要求，1盒Core已經夠晒玩)，重有指令咭，骰子，地形等等，所有配件質量都好滿意，2百尾一盒呢個價錢算好抵，而為左更完善我係對戰上兵種及兵數既選擇要求，就決定一次過買2盒Core Set，至於Expansion ，本來都諗住每個擴收2盒，但呢排都買左唔少Game，唔好太放縱，所以先買住2set Core先，Expansion睇下到時需唔需要，收到再介紹下Diskwars有咩魔力令我咁犯賤賣左又返啅！

8月Gencon，最希望係FFG唔放棄Diskwars繼續出擴，但應該好難了，依家乜叉都係Starwars。