圖片轉自FFG官網，個盒既封面好吸引，我一直都無關於Starwars既遊戲，據隻Game既介紹，1盒遊戲有2個玩法，第一個就係1個玩家扮演帝國，另外最多4個玩家各扮演一個英雄，係類似Descent 地圖設計既版圖上進行任務(Descent 既星戰版？)，另一個玩法就係玩家分成兩派，各自組建部隊為著同一目標進行對抗！
隻Game包括39隻模型，當中有我好鐘意既AT-ST，重有帝國步兵，雖然我對StarWars認識唔深，不過隻Game既玩法似乎幾適合我，我一直無入深入絕地就係唔鐘意佢只有故事模式，而呢隻Game竟然有2個玩法，解決左我其中一個阻礙，而且，個人對Starwars既故事較深入絕地既故事更有興趣，始終睇過電影，代入感更強。
價錢官網寫$100，唔知香港會賣幾錢，如果唔係食水太深應該會入手的，預計要年底至年初先會正式推出了。
至於日盼夜盼的Battlelore Second Edition 戰爭之道 第二版，終於都公布在年底會推出2個 Expansion，"Hernfar Guardians" 及 "Warband of Scorn" ，每盒有4個新既兵種，合共有足夠50pt既兵力，咁到底有幾多隻兵，會唔會有舊既兵種包含？4個新兵種是否指原有族種的新兵種呢？相信應該都係，似乎FFG相慢慢煲呢隻Game，唔急於出新種族，目前亦未有有關的圖片，我期望快D會有精靈及獸人呢！
另外Eldritch Horror(全球驚慄)呢隻戰棋會岩岩出中文版既遊戲，又宣布有擴展推出，呢隻Game遲D會留意下，都算有D興趣的。
至於其他GAME既消息，唔一一在此詳述了，有興趣可以到YOUTUBE Search下。
相對黎講，Starwars Imperial Assault的消息比Battlelore更令人興奮，睇黎要準備定彈藥了！
沒有留言:
發佈留言