3月20日 4人局

 好耐無打過簡短記錄

話說我上年重新再買返Talisman 聖符國度 連5個細擴同1個大擴後，終於有機會開下佢

3個人玩，total 玩左4個鐘，感覺幾好。

用左Demon Lord劇本，Demon Lord craft 12,4 life , 最終俾大天使一次嘗試就擊殺。

買左咁多擴之後，內容的確豐富，雖然重有唔少可以改善之處，但唔對佢有太高要求既話都幾唔錯，咭牌非常多，玩完一局重有超過3/4既牌未睇過，新鮮感有保證。

跟手多一個人加入就玩左慘劇輪迴，朋友做劇作家，一早已經為2個教學局做左唔少功課，開頭有少少唔係好明個玩法，不過一旦了解深左即刻覺得幾好玩，我覺得有少少似魔戒-對決。

頭一局成功破解，但第二局幾有難度，望返只係1星複雜，難以相像如果去到後面8星係複雜成點。遊戲係幾好玩，但要好玩要投入一定時間，劇作家應該預先做好晒推演同好了解佢既劇本角色能力才能在玩家嘗試不同破解之法時作出應變。至於偵探玩家，開始之後就要深入了解不同角色所給予的能力，以嘗試排除同驗證身份，暫時感覺運氣成份極低(甚至係無?)過程之中要不斷討論劇作家既部署同偵探應該點樣作出回應反制劇作家，即使玩家知道劇作家既意圖，但仍要在遊戲中打出適當既牌去阻止，出牌既藝術非常考驗劇作家對全局既操控力。

最終玩左2局都要4粒鐘，一勝一敗。