首先我覺得隻GAME戰鬥並唔係獲勝既主因，兵種既選擇及布兵的位置先係重點，因為一局GAME其實好快，唔似M'44有時會有D拖延既情況，原因係勝利既方式改為視VP，如果你已經落後重拖延既話好可能萬劫不復，亦因為咁，明智地布兵可為你把握戰機，一旦布局失誤，即使未開戰，其實勝負已分。
另外，由於徵募的兵數不能多於50POINTS(加設指揮帳蓬可增加5P.)，部隊數量唔多，兵力在前線折損的影響不少，特別係你的重心部隊。例如本戰事你想用騎兵部隊突破，再以精銳部隊鞏固，其餘步兵弓兵作支援。一旦戰事未如預料，騎兵部隊折損太多而未能成功突破，則後方的部隊作用有限，整個戰略亦難及時調整，餘下的時間你可能只能作被動的抵抗或反擊，但勝利將徐徐落在對方之手。
戰鬥擲骰，以原整既部隊為例，一粒骰至少有1/3既機率造成傷害，其次，擊退亦有機會造成傷害，再加上"英勇"效果的Buff，成功造成傷害的機會其實唔少，指揮部隊作戰時，我認為應該以謹慎的角度出擊，假設前方敵人有2隊部隊，當中1隊餘2個模型，另一隊餘1個模型，你有2隊部隊可以在此次指揮中可觸及該些敵方部隊，你會選擇分別出擊以圖消滅對方2隊部隊還是集中先消滅其中一隊呢？我覺得假設無任何其他因素的前題下，應該集中消滅剩餘2個模型的部隊先，因為全部未擊中的機會其實唔少有，一旦分兵而兩邊都未能成功消滅對方，對方在下一回合就有機會作出反應，亦令到我方是次攻擊失算，浪費一次指揮他們的機會，4張指揮咭在指揮時其實並不有很大靈活性的，下一回合你未必會可以再次指揮他們，又或下一次有其他更需要指揮的部隊，所以我寧可集中消滅敵軍餘下2個模型的部隊，都不貪心打算一回合全滅2隊，失算的話後果嚴重。
LORE咭，令到遊戲有深一層思考的層次，首先你一回合中只能打出一張LORE咭，而LORE咭又有COST，你用邊張，主動帶起節奏，定係留LORE以待時機？一粒骰有1/6係LORE，即係話，就算你在戰鬥時擲得出LORE而未能擊中，亦可獲得LORE去使用LORE咭，算是一些補償，平衡了一點骰運的影響。
VP，遊戲以VP衡量是否勝利，殺敵未必有好處，堅守可以獲得VP的位置，以逸待勞會對敵方有更大的打擊，遊戲中應重點攻略VP位置，盡可能在一回合多賺VP，因為16VP就會勝利，而且遊戲的節奏其實很快，如果在前段時間你可以不計代價去賺VP，對手即使在後段時間形勢大好，在VP落後的情況要追回就有難度。追殺對方以防下一回合他的反擊定係佔領VP位置，我個人傾向後者。
縱合以上，我覺得帶來勝利既方向係：
1)布局要明智，了解自已及對方如何可以獲得VP，從而作適切的布局。
2)管控風險，累積小勝為大勝，莫為大勝以置自已珍貴的部隊於危險中，打有把握的戰鬥。
3)緊盯VP，遊戲目標不是殺敵，而係VP，重視獲得VP的方法，盡量在一回合獲得比對手多的VP。
由此可見，BATTLELORE的策略性實比M'44大得多，而且精美的部隊其實只係附屬係你的策略之下，缺乏遠見目光，空有一身武力亦無濟於事。當然，如果你骰運真係差到貼地，近戰時3粒骰1粒HIT都打唔中又要唔中LORE，唔中"英勇"效果"，唔中"擊退"，只係中剩餘的1/6"穿透"，咁都無話可說，正所謂：謀事在人，成事在天，天命也。
PS: 我發現一個奇怪的地方，在盒背，有一隻勇士巨鵬非常勇猛咁擒殺敵人，但係果D被擒殺既唔係正正係人類咩？唔通畫錯左定係另有故事呢？唔好話我知係帶緊佢地飛。
沒有留言:
發佈留言