FFG風格 強勢推出 Twilight Imperium Forth Edition

FFG果然無令人失望 真係再reboot 舊game, 推出Twilight Imperium Fourth Edition

盒面同TI3 相似, 獅子族依然係最大頭, 但我覺得繼續將獅子族大頭置頂真係有D柒味濃.

咁4同3有咩分別呢, 我諗對想入3但未入既朋友絕對係福音.

首先, 係TI4已包括TI3第二擴既旗艦,  

其次, 其難以對照既升級卡,依家有關艦隻升級之後會將升級卡置玩家板之上, 更清晰更省時.

另外,FFG聲稱呢個版本會係過往最全面既版本, 入面已經有17個種族可選.
地圖美功都有改良, 將沈悶既深藍色修改, 就地圖所見, 擴充的地型離子風暴都有收錄其中.

但最唔鍾意既Order 順序方式同政務卡似乎保留, 大大影響遊戲時間 , 未知細節有否改良.

價錢方面150美金, 同CMON D KS Game一樣,咁相對而言 TI4 更吸引(如果你無TI3).而且正出街應會平D. 

我自己果盒TI3已經肢解哂, 不同既Token 用左係其他Game, TI4 目前唔會令到我想買, 但如果你無TI3而都有興趣同時間玩呢類4X長Game, 可以認真考慮. 而且有機會會出埋中文版, 咁會大大增加我入手既動機.

既然出左TI4, 咁Runewars Second Edition 唔通今年無機會了?