Battle Line 古戰陣

今日介紹下呢隻舊小小既遊戲，Battle Line 古戰陣，隻Game係講兩軍交戰，雙方領袖為前線派出不同戰力的軍團去與敵交鋒戰勝敵軍，英文版係歐州做主題，而中文版就係以楚漢做主題(非常好)，支援2個玩家。

遊戲牌主要係分為5個顏色，每色由1-10每個號碼各1張。牌上既兵種名稱及圖只作為點綴。

遊戲有D似打牌或者UNO，你每回合從手牌上出一張牌到前線，目的係排出較對手好的軍團去擊敗對手搶套軍旗。牌係公家的，每回合都可以補1張手牌。

如以上圖示，你可以逐步打出不同的陣形去對抗對手。

遊戲中有9支軍旗，出牌時你自由將其中一張打到9支旗我方的一邊，逐步組合出如剛才說明所示的戰陣，例如你排出同花順(3張)就係最大，如果對手只係花(同色)，咁對手就輸，你就可以宣布你搶得軍旗。

但係，有時亦可以係對手未係同一條戰陣中排好兵力，你就可搶先宣布搶得軍旗，例如，你已經排出以3張10號的牌，而對手的戰陣卻是2隻同不同色不同數字的牌，由於你已經排出3隻10的方陣，由於對手的2隻牌是不同色不同數，所以無論如何也最多只能排出亂陣，所以你就可以以方陣提前贏得該戰陣並搶得軍旗。

咩話？想睇清楚D軍旗？無問題：

唔知用咩名貴金屬所製的軍旗，而且重刻左楚漢的標記，我都係因為呢D旗先買！

▲上圖所示，7,8,9呢個組合必定會勝過3,4所可能的組合，故可在3,4的戰陣未排好就宣布搶得呢支軍旗。

▲遊戲以最快搶得5支軍旗(包圍) 或接鄰3支軍旗(突破)為勝利，上圖一方已經奪得中間的2支旗，只要在左或右的戰陣勝出就能贏得遊戲。(有小許錯誤示範，111的弓箭手尚不能宣布搶得軍旗，因為對手或有機會排出比111更高戰力的戰陣，如555。)

▲除左一般的卡牌之外，玩家亦可選擇加入策略卡，增加遊戲的難測性。

總結：
非常唔錯的一隻小遊戲，時間快，但要思考的地方不弱，雖然有抽牌的運氣成份，但實戰上，大軍對戰難道卻能排除運嗎？而且遊戲中，玩家可以靠著自已膽大心細，唬嚇對手，明明唔夠牌就出定先迷惑對手唔敢同你硬碰，又或明知可以戰勝對手也不出牌到該戰線留待對手消耗其好牌等等，什麼時候出什麼牌，出係邊一個戰線上，什麼時候要故意輸以保留實力，有著不少盤算。

個人非常喜歡呢個遊戲，當然有一定係因為以楚漢為背景再加上中國風的美術，而且軍旗真係非常討好，好過英文版多了，大大豐富了呢隻小遊戲，價錢非常平，買入才$30。
(以下評分以作為一隻小遊戲的份量去比，會比大遊戲略為寬鬆。)

評分：★★★★★
策略：★★★★
簡易：★★★★★
耐玩：★★★☆
歡樂：★★★★