FFG新遊戲 Forbidden Stars

相信都有唔少人知道呢隻Game了 用上Starcraft the boardgame既order系統加上Warhammer的背景

遊戲支援4個玩家，整個Game都有濃厚Starcraft the Boardgame既感覺，我自已唔太鐘意SC對戰時的方法，覺得有D煩，但睇過呢隻Game，我覺得佢可以將SC對我黎講既缺點優化。

以砌地圖為例，都已經較SC方便了，而且面積應該唔會太大，除左用咭對戰外，亦有骰既加入，感覺可以互補不足，從策略及運氣(不確定性)中取出一個平衡。

4個玩家都有不同的部隊，特殊能力，戰鬥咭，這些又有強烈的Runewars味道，不過Runewars 2人既話感覺Setup時間重長過玩，而4人既話時間亦都真係幾長(唔等於唔好)，呢隻Game似乎更集中行軍及戰鬥，無太多支節，平日想玩下呢D咁有感覺既戰棋就多一個選擇。

相信佢一推出我都會即買，佢既飛機底坐似乎會比SC既設計大有改善，SC既飛機底坐好易斷，但唔用個底坐就無乜Feel，FFG無捨難取易，仍然為飛機配底座，但底座既用料及設計看似好過SC。

隻Game比我既感覺係，簡單，緊扣主題而又充對策略與對抗，似乎FFG在長久開發"Epic" Wargame之後有所啟發，真係非常吸引我，我對Warhammer無乜Feel，如果佢轉其他比我可能更有感覺，但問題不大。

遊戲預計將於本年第三季推出，希望聖誕前可以買到啦！

果然可以聖誕前收到，重要已經收到了，送上遊戲介紹：http://talkboardgame.blogspot.hk/2015/06/forbidden-stars.html