Dungeonquest Revised Edition 地城任務中文版

戰棋會最近公布 FFG推出的Dungeonquest Revised Edition 會出中文版。

本身對呢隻Game都有D興趣，不過感覺舊版都真係幾舊，提唔起勁買，如果出Revised Edition就令我重新注意呢隻Game，似乎改善了舊版既缺陷，如果中文版價錢唔太高應該會入手，至於英文版就未必會入了。現在玩得多中文版Game多，對無出中文版而又多咭要睇既英文Game動機細左，始終推出去俾人玩同埋遊戲時中文大家都方便D，更能投入遊戲中。

呢隻Game重有個幾岩我既地方就係可以Solo！實在係我呢D好鐘意拎盒棋出黎睇下望下既精神病患者，隻Game支援最多4個人，唔知會唔會有House Rule可以加多1個人呢？另外，隻Game入面既英雄，好似可以用係Runewars！唔知有無記錯，我唔特別去查證，留返D不確定，留返D Suprise。

Wiz-War Second Expansion

Wiz-War 中文一擴都未出既時候 FFG係官網公布推出二擴了！

新增3個全新學派 「龍語」，「圖騰」及「神話」，以及6個模型，應該係6個可以召喚既怪物。預計今年第三季推出。

目前我期望4隻Game既Expansion，Runewars 第二擴展(未有消息)，Wiz-War 中文1擴，Mansion of Madness 中文大擴 及 Talisman 中文2擴。

2014買Game失控

原本諗住今年買少D Game ，估唔到買Game既速度好似有增無減，最近又入左Summoner Wars 召喚師戰爭，仍在運送中，收到會再介紹下，不過我諗有興趣既人都已經買左，中文版價錢平，而且唔似MTG果D Card Game咁要係咁買咭，一舊水都已經夠玩，又有唔同族，重要跳出一般我所見既集換式咭Game既方式而加入左版圖，部隊打出之後玩家要再係版圖上指揮攻擊，可以自組牌組，有種族，有版圖，，一局時間短，實在係好適合我既遊戲，期待快D收到試玩。

昨日玩左一場Battlelore 2E 戰爭之道的劇情戰役，雙方必需使用A1既地圖對戰。

雙方各自部署，人類方既VP獲得方式為每佔領2個建築物則可獲得1VP。
尤薩既VP獲得方式則為每次在水域接鄰的位置消滅一個敵方部隊可獲得1VP。

地圖配置好後可見尤薩一方的預設VP位置有2個，而人類方只有1個，加上尤薩只需在河邊消滅敵人就可獲得1VP，感覺尤薩似乎較易獲勝。在布置好兵力後，人類似乎想以數量優勢壓住尤薩，尤薩的最右翼邊有Chaos Load以及1隊步兵。

原本打算記錄，但相機無電，主要的戰場在右翼，經過幾輪戰鬥，尤薩在Chaos Lord既帶領下在河邊消滅了人類既巨鵬，騎兵隊及步兵隊，加上鎮守中路建築物的符文魔像在較後時間被步兵強攻下失守，最終尤薩以VP18:10勝出第一場戰鬥。

說明書的規則係打5場睇下邊一方可以勝出3張，不過我地改為以總VP計去計勝負，所以第一場18:10的話，人類在之後的戰鬥可能要更主動。

由於在河流邊消滅對手就可獲得1VP，而地圖有兩條河流而且緊鄰VP位置，人類被打敗似較好難避免，或者係人類今次迷信地圖設定所給予的步兵費用減少1的優勢去布置太多戰力不足的步兵單位所致。不過亦可能係劇情需要，事關本劇情戰役是描述尤薩攻打人類既戰役，且看之後人類如何反擊吧。

5月6日 10小時5人局 簡短記錄

最近幾次開局都無寫戰報無時間影相，今後就算無時間詳細記錄都會做個簡短報告。
今日玩左3隻Game 由深至淺為Chaos in the Old World -> Cyclades -> Shogun

Chaos in the Old World 第一次開，用Slaanesh(色孽)，VP數尾4，輪盤估計大約尾4/5，遊戲感不錯，期待下次再開。

Cyclades 第二次開(黑色)，敗 - 只餘單島，未有大城。未清楚方向所致。

Shogun 第N次開，(紫色)第2位，差2分平第一位。領土太細所致。