2016年6月4日星期六

Runebound Third Edition Expansion 符文秘境 第三版 擴展消息

FFG最近釋出左幾個有關Runebound Third Edition Expansion 既消息,

一路都有留意住呢隻Game既發展,測度佢黎緊擴展既方向,又睇下佢呢幾個Expansion 有D咩內容:

FFG係4月公布左2個擴展消息,然後又係昨日再公布2個擴展,即合共將有4個擴展推出,預計本年第三季度上市,而其中2個係劇本擴,2個係核心擴展。

▲左邊係Fall of the Dark Star,右邊係Caught in a Web,以目前所知,2個擴展各包括1set 10張既故事牌,另加30張相關主題冒險牌加入到牌庫,但似乎沒有任何物品咭,技能咭,對應的Token數量亦暫時不明,而兩者都會有一個新既英雄及模型加入,當然亦有相應的戰鬥Token。

Fall of the Dark Star 既勝利條件將改為玩家之間的PK,玩家在遊戲中可以收集到暗黑碎片,每個碎片會為英雄增加2HP,但同時英雄會抽取全新既腐化牌(數量不明),會為玩家在遊戲過程中帶黎一些阻礙,要為即將到來的對決谷高HP,但又不能被腐化牌帶來的影響拖慢自已成長既時間,玩家要如何平衡呢?

至於Caught in a Web就講述巫后艾利德(Ariad)打算控制全世界,化身為蜘蛛型態來到,派出其爪牙四處織網,玩家會被蜘蛛網阻礙,而艾利德就會將4個大城網起,一旦佢完成,玩家就會全輸,所以玩家要追獵她阻止其圖謀,第一個玩家成功將之擊殺為勝!同樣的,此擴的Boss似乎都沒有相應的模型提供。


▲另外2個擴展,我稱為核心擴,The Mountains Rise及The Gilded Blade,各自包括15張冒險咭(每種類各5張),其中The Mountains Rise包括20張新的物品咭,10張新的技能咭,1個新的英雄,及相應的Token,另一個The Gilded Blade相關數量就不明,但應該都係一樣。

此2個擴展的內容都係可以加入到本身的遊戲中,並沒有特別的故事關聯,純粹增加新原素,其中新的物品咭非常吸引,而且物品將有新的符號(能力),會帶黎何等改變令人期待。

4個擴展既官方零售為16.95美金,折合約$131港紙 ,估計最終實際零售價會再低D。如果$105左右1盒都算吸引,最好既地方係玩家可以自已選擇買邊一個,唔需要一大盒擴咁買,不過相信如果鐘意呢隻Game既玩家都會買晒4盒,我自已應該會買晒2個核心擴,而故事擴就可能只買Caught in the Web,預計今年第三季上市,期待!

(圖轉自FFG)

2016年6月2日星期四

Zombicide: Black Plague 無盡殺戮 黑死病

自上年大約9月係Kickstarter Late Back既 Zombicide Black Plague , 終於係今日收到全部貨喇!


一大箱,成個小矮人咁高,由大陸EMS直送。


一大開個箱,一陣陣新GAME既香味撲面而來,Great!

▲滿滿一臺,從左上起Knight Level backer Rewards, Huntsman Rewards ,
Hero Box-1 , NPC-1 Box set, Special Survivors Box Set 2盒, 骰塔1個
加錢買既牌座1盒4個 , 加錢買既Deadeye Walkers , 大佬擴 ,Specail Survivors Box Set 1盒
Wulfsburg 擴展 , ZBP基礎

呢個係我第一次KS既遊戲,全數價錢$1400。唔計基礎,我今日開箱慢慢睇同收納佢地都差唔多搞左3粒鐘。

骰塔感覺一般,本身都有D期望,問題係擲骰果陣太嘈,要自已墊返D野搞搞佢先得。

Wulfsburg擴展既道具睇落幾有趣,例如吸血弓,打死敵人可以回血,烈炎劍,有機會激發出燃燒彈既效果等等,武器強度似乎有所提升。

Deadeye Walker 弓箭手Zombie 合乎預期,可攻擊0-3距離的玩家,唔知實戰會唔會好大威脅好難搞。


大佬擴,摸型質素超乎想像,根本係怪物!有可以打穿牆既能力,或者見到玩家時可以行動3次既能力,又或者係有2攻擊距離打全整既能力既大佬增加不少難度! 

KS版包括左2個有全新能力的死靈法師,1個係每回合可以行2步,另一個係如果佢有其他屍同佢一齊,佢就不能被消滅(除了用燃燒彈)。係令我驚喜既改動。

NPC-1 BOX SET入面有20個5種新造型既喪屍,另有3張新既神兵咭,20個白色底座,用以標記佢地係NPC walker,能力同walker一樣,但當你殺死佢果陣可以收集,一旦你收集到5個不同造型既NPC Walker,就可以選一張神兵!幾唔錯既改動。


KS版入面亦有2隻額外既大佬,正式名我唔記得,即上圖右上角果隻,當佢在場時,如果你抽到要Spwan Runner時,改為Spwan 異變狼!而狼既行動值係3點!



另一隻就係上圖既巨鼠,Spwan既時候佢會直接係距離最多聲音一格既範圍內出現,造型真係唔錯,而且好貼合主題黑死病。



唔計我未開盒果4盒Hero Box,基礎加擴展加KS英雄有成接近30個,細緻不錯,但當中竟然沒有一個我覺得好合意,稍為有dd失望。而且,唔計Hero Box Set果2個Dashboard,都已經有10個,可以支援到10個玩家一同遊戲,規則已註明可以多過6個人玩,會有增加難度既設置規則,不過我應該呢一世都唔會有可能10個人一齊玩,唯有當Spare。

重有個絨袋,金屬制既First Player Token 之類既野,唔特別介紹了。

我無咁好心機同空間去將佢地重新放返入盒到,只裝佢地裝返入去基礎同擴展既盒入面就算了,比較方便玩,亦節省地方。

總結,感覺上俾$1400所得既就係1400既野,無特別太多驚喜,亦唔叫人失望,不過今次KS之後暫時都唔會再打算KS其他GAME了,一來出貨實在太耐,二來你雖然會有好多好豐富,而且人地無既內容,但對我黎講,多到一個點可能會覺得太多餘唔需要了。

總結:

今日SOLO玩過一次,將所有新原素都加晒入去,玩Core Game既第3關,但亦非全部牌加晒去,每個新大佬我只放1張咭,死靈法師改左用KS版既新女死靈法師,其他裝備,弓手喪屍,喪狗(狼)等等都加晒落去。

開晒箱之後有50個英我簡,我簡左控5個英去做呢個任務,最終玩左大約2小時完成(如果多人一齊玩應可於1.5小時內完),時間及遊戲複雜程度並無因為新加既原素而加重。

難度方面,未開始之前我覺得應該贏唔到,事關我加晒所有大佬咭落去,即係由本身得一隻大佬變到7隻大佬,平時要抽龍炎彈都唔係咁易,依家重要打7隻。

但係,可能同個關卡設計有關啦,開始既時候都幾順利,中期左右重比我打夠NPC Walker抽到張有3攻擊力的新神兵,果種唔再怕大佬既感覺真係逆轉左我平時玩Zombicide既感覺,最終雖然稍有損傷,但係0死亡既情況下完成任務,過程未有太大壓力。

當然我覺得今次係得益於關卡本身既難度同我既神抽,否則應該都未必可以贏到,但無論如何我都覺得唔錯,我感覺上遊戲豐富到已經接近完美既程度(豐富程度上)

弓手喪屍既威脅比我想像中大,喪狗亦都幾煩,要不是今次關卡走動既空間較大都好難脫身。反而幾隻大佬係我抽到攻擊力3既武器之下就造唔到什麼大威脅了,而且有2隻大佬最終都無未有機會出場

總的來說,Zombicide Black Plague 較第一代有些改進,加上背景既轉變,令佢有更大既創作空間,除左一般既喪屍外,死靈法師改變左玩家臨陣既部署,加上係大量額外既原素之下,ZBP終於達到我心目中理想既狀態,即使未有買KS版既玩家,買左Core Game先再買Boss擴,NPC擴,弓手擴,狼擴,其實係實際遊戲上所得既不會與KS版有太大分別。