2016年4月29日星期五

Star Wars : Rebellion 星球大戰:反抗軍

In long time ago in a Galaxy far ,Far away ... (音樂起)



相信呢隻都係好多Game迷注目的遊戲,Star Wars : Rebellion,背景我都唔廢話講喇,

遊戲支援2-4人(不過4人同2人玩分別唔大,嚴格上都只係2人Game)。

分別控制 Empire 帝國 及 Rebel 反抗軍,遊戲架設係星球大戰4-6的時空中,

帝國的目標要盡快找出膽敢繼續抵抗的反抗軍勢力,將其秘密基地消滅,

而反抗軍則在保存自身的同時,在反抗帝國的過程中獲得足夠的聲望與同情,以鼓動足夠的反抗力量去抗衡帝國。

內含超過153個Miniatures ,2個Baord組合以成的大星圖,2本規則書,24個角色立板,10粒骰,2張勢力表,配上Star Wars 既背景,$650既價,都算值回票價,如果你係星戰迷就更加合意啦。


▲由2個Baord 組合而成的星圖,上下兩邊既距離唔算遠,玩起上黎大家都方便交流到。


▲兩本說明書,Learn to Play非常簡潔,只有20頁,實際規則得15頁,重有好多圖,基本上30分鐘內都可以睇完,少有咁重份量既FFG Game係可以咁短時間睇完重要係無咩唔清晰既地方,另一本Rules Reference就詳細說明一些細節,感覺上真係玩果陣遇到先睇亦不遲。第一次感受到分為2份說明書既好處。


▲帝國軍的角色,玩家需要用角色去完成任務或行軍攻擊,角色立板以角切既方式去容易標記出其所屬的帝國陣營,小弟唔係星戰迷,唔能夠一一認出佢地,不過Fans就應該會有親切感。


▲反抗軍陣營,立板以圓角方式切割,雖然角色的底部也印有所屬陣營的標記,但畢竟較細,用不同的切割方式去適別更實際。角色的底部有分顏色(藍或橙)用於4人遊戲使用,藍色代表艦長,橙色代表將軍,4人遊戲時,同一陣營的玩家將會控制不同職位的角色,2人遊戲中沒有用處。

小喇叭,講咁多野,兵呢?OK,晒你冷!▼

150個單位要好密咁形造個感覺係咁大既星圖上都唔係好夠,所有唯有集中放一邊,感覺好多了!當然圖中尚有唔少單位未入鏡。帝國有89個單位,反抗軍有64個。


▲勢力表上列出不同單位的所需建造資源,攻擊力,生命力,特殊能力等,右邊的黑色區域係Leader Pool,將未用既角色放係呢個區域等代你的差遣。

反抗軍有9種單位,分別係 X-Wing、Y-Wing、Z-Wing(誤)等;聞說台灣人喜歡這種寫法,特意模仿一下(羞)。而帝國則有8種,另加在建的死星模型。完成的死星是沒有生命值的,固此,死星係常規作戰無法擊敗,唔知道有無特別的咭有機會將其消滅。


▲仔,過來吧!


▲星圖上有32個星球,按規則設定好起始位置後,反抗軍的玩家從未被帝國勢力影響的星球咭中選擇1張作為反抗軍秘密基地。然後將該咭放係Location位置,從此,帝國的目標就係要找出反抗軍秘密機地的星球並將之消滅。32張星球咭扣減去秘密基地的星球咭及5張帝國的起始星球咭後,剩餘26張會被面朝下放係帝國旁邊待用。而呢個Rebel Base就用黎俾你放係秘密基地既兵用,所以,就算帝國發現你的基地,都要消滅埋你係Rebel Base既兵力先可以成功。


▲遊戲的Tracker,左邊的係Time Marker,右邊的係反抗軍聲望,14係期起始位置,每個回合完結,回合標記向右移,而當反抗軍在遊戲過程中獲得聲望,則將聲望標記向左移,一旦回合標記與聲望標記相遇,反抗軍就會勝出,換句話說,如果雙方乜都唔做,第14個回合結束時反抗軍就會勝利。故此正常來說,遊戲應該會少於14個回合,甚至10回合內?帝國必需把握時間。

另有一些前置工夫,不在此詳述,整體上唔會好麻煩,唔會有太多卡呢樣果樣,大大增加開Game動機,兩個勢力的起始位置可以每次不同,所以唔洗擔心次次都係咁上下既發展,說明書中提供了一個第一次遊戲的Setup位置俾玩家熟習。而以下講幾樣隻Game值得介紹既位:


▲遊戲起始就會有幾個Leader跟你,亦會有幾既任務咭,每個回合中,分為3個階段,第1,分派任務,由反抗軍開始,決定指派誰人做任務,每個任務最多可以用2個Leader去做。如上圖,我打算做探聽任務,如果成功,我可以每4個位於Rebel Base既反抗軍單位就抽1張星球咭(即係上面講果26張到抽),抽出張當然就一定唔係反抗軍基地啦,但帝國唔洗Show俾反抗軍睇佢抽到邊張,將抽到既星球咭Keep係手即可。


▲續上圖,呢個任需要1隻眼既標記(上圖任務咭的左上角),於是我派出右邊既呢位角色去做,指派左之後就將佢反轉,然後將被指派的角色放上去待命,如果無其他任務你想去做既話,第一階段就完結喇。

第二階段,有2個行動可以做,反抗軍先手,每人選擇一個行動,
1)完成一個任務;2)行軍。
先講第1)完成一個任務,假設到帝國時,我決定要做我頭先選擇既果個任務,將其展示:
有少少錯誤示範,因為呢個任務要將角色放係反抗軍控制的星球上,我放錯左係帝國上,但小問題唔影響示範:每當有人想做任務,而該任務不是自動完成的任務類型,對家就可以派人或者以在進行任務身處相同星球上的角色去阻止。反抗軍知道其任務,覺得太大威脅,於是在Leader Pool中派出Leia公主去試圖阻止,Leia公主有2個眼的標記(配合返任務所需的眼標記),所以Leia可以擲2粒骰,而帝國只有一個標記,所以擲1粒骰,粒果,Leia擲的紅色骰子有雙劍(2個成功),而帝國方擲出的爆炸視為1個成功,帝國的成功數大不過反抗軍,任務失敗,失去任務的獎勵。

如果無人去阻止,任務就當作自動成功,反抗軍甚至可以派一個沒有配合該任務標記的角色去阻止,因為咁樣會迫使對方要擲到至少1個成功,才能以1:0作為結果結算任務成功,所以仍有機會阻止。任務係遊戲中一個重點,故此,玩家要備用一些角色去阻止對方的圖謀。


▲帝國任務咭39張,反抗軍29張,咭牌插圖精美,而內容大多與星球大戰出現過既劇情相關。

2)行軍:


▲帝國打算去攻擊反抗軍,派出黑武士領軍,派其到目標星系上,帝國可以任意將接鄰目標星系的部隊移進該星系中,但不能從已經放有自已Leader的星系調兵,調兵時,部份部隊需要運載先可以飛到另一個星系中(如步兵、TIE戰機),圖中的Star Destroyer滅星者運載量為6,所以可以運載最多6個單位。


▲帝國進入該星系,反抗軍由其Leader Pool中派出一名備用的Leader參戰,交戰時,無需先解決空戰,陸軍已可立即登陸到地面上,一旦有帝國軍的地面部隊登陸,反抗軍要告知該星球是否基地,如是,帝國只要在地面戰勝出就能獲得勝利。戰鬥時,先結算空戰,滅星者有1粒黑骰及2粒紅骰,而Y-wing 及X-wing則有1粒黑及紅骰,骰出上圖的結果。


▲滅星者有4血(圓形),生命值係紅色,代表只能被紅色骰子攻擊。反抗軍成功由紅色骰子擲出1個傷害,所以滅星者受到1傷,而黑色的骰子則可抽一張戰述咭或使用一個需要此效果才能觸發的戰術咭。


▲至於X-Wing及Y-Wing都係黑色的1血,滅星者擲出2個紅色命中,及1個黑色爆擊,爆擊效果代表可以對任何顏色造成1點傷害,所以滅星者用其消滅其中一架戰機,另外2粒紅色命中沒有效果。

空戰打完一輪之後到陸戰,陸戰與空戰方式沒有分別,完成後若未分勝負可以撤退又或繼續再開始新一輸戰鬥。


▲而在開戰前,其實玩家會跟據參戰Leader的統率力抽取相應的戰術咭,統率力分開空戰與陸戰,故此亦會抽取對應分類的戰術咭。戰術咭係一些簡單的效果,例如擋1點傷害,造成1點任意顏色的傷害之類,增加Leader在戰場上的影響力。內容唔復雜,應該唔會點影響戰鬥節奏。

當雙方玩家都已經完成想要做的行動後,回合結束,雙方收回所有Leader回Leader Pool,雙方抽2張任務咭(棄至上限10張),帝國玩家抽2張星球咭(視為被偵察),反抗軍抽1張目標咭,起兵(視乎是否到了起兵標記時間),獲得新的Leader等等。


▲反抗軍除左任務咭之外亦有15張目標咭,目標咭分為3個層次,永遠由第一個層次開始抽起,目標咭係用於提升反抗軍聲望,左上角的數字係成功完成目標之後所獲得的獎勵,由於目標咭只有15張,亦永遠由第一層次開始抽,帝國的玩家可能會係之後的遊戲中有印像從而作出針對的部署,但隨住時間的推移,由於目標咭的內容多樣化,帝國亦不可能完全防止。

一次玩後感

失望,遊戲節奏流暢,玩家最主要有效運用自已既Leader去做任務以贏得遊戲,任務咭雙方都有4張起始任務,這4張起始任務每個回合都可以再用,構成最主要既戰略行動,輔以每回合可多抽2張新的任務咭(行動咭),每一回合都為玩家提供新既戰略構想。

任務咭既執行並不繁複,文字量有限,內容清晰,插圖一流,而任務既選擇與派那名指揮官執行為遊戲一大主要內容,我認為佔有6成的遊戲時間,玩家可以好專注去思考任務咭的效益,無太多支節,但任務咭也非必定會成功,大部份對手都可以派人阻止,而阻止的成效就要睇指揮官有關屬性既高低,再以擲骰結算,對不喜歡擲骰的玩家來說就唔係咁好,但我自已完全可以接受,而且,少部份咭只要選擇執行就一定會成功,所以係重大戰略上運氣高低也不會有影響。

遊戲另一個賣點當然係指令部隊的行軍與戰鬥,行軍非常簡易,最麻煩係戰鬥,遊戲中,部隊的攻擊力與生命有分顏色,擲出不同顏色的火力只能對配對顏色生命的戰位造成傷害(除了爆擊),另外對戰時跟據指揮官的能力,可以抽戰術咭,而戰術咭亦可能會因為戰鬥過程中擲出雙劍而可以再抽,令到戰鬥並非單靠擲骰解決,雖然戰術咭效果簡單名字量極少而且只有15張,但唔係太睇到呢個設計有太大既實際戰術提升,其最主要目的係令到指揮官能力的高低也可以對戰鬥有一定影響力,及增加戰鬥的難測性。卻大大提高左遊戲時間,付出同收獲唔太合比例,算係一個稍為敗筆既地方。



但以FFG大盒遊戲黎講,相對Twilight Imperium,符文戰爭等遊戲黎講,呢隻Game規則算係非常簡潔,第一次遊戲連教合共6個小時,但玩過一次之後我相信可以回落去大約4個幾小時,但再大副下降就應該好難,隨住玩家愈熟練,戰略層次會相應提高,為防範對手就會有更多間接及預備手段,加上處理戰鬥的過程所用既時間基本上已無縮減空間,所以即使好熟悉遊戲,但最終遊戲時間應難降至4小時以下。

幸而,始終規則算係簡潔,過程流暢,玩家唔會太覺得"麻煩",好似符文戰爭小弟雖然非常喜愛,但英雄階段及每個回合結束既季節效果,過程都會覺得窒住窒住,Star Wars Rebellion對我黎講無呢個感覺。

星球大戰喎?你玩兩三個鐘會唔會覺得唔夠Epic先?所以4個幾鐘差唔多啦,Setup時間大約15分鐘,唔算太多七零八落既Token,咭要去預備,開局都唔會太辛苦,整體上你付出既幾粒鐘都真係玩遊戲而唔係俾規則玩。如果你係期望反抗軍係可以同帝國不斷正面衝突就想太多,我估你成局Game最多只能作1或2次稍為大規模既進攻,其餘大部份時間反抗軍都係用小部隊去做戰略性攻擊,例如截斷帝國既補給,擊毀對方既運輸機以防止其登陸其他行星,又或為左自已既目標咭等等。

而帝國方就不斷搜尋反抗軍,四週布兵,雖然兵威強大,但反抗軍會不斷搞搞震令到你未能順利作出部署,而且兵力雖多,但銀河廣闊,不見得你可以所有區域都有重兵,而反抗軍可以不斷轉基地以避其鋒芒,運用好任務咭(行動咭)可以讓你盡快迫使反抗軍現身轉基地,次數愈多,最終被你擊潰既機會愈大。

最後,我都幾滿意呢隻Game,如果鐘意呢個背景都值得入手,如果鐘意你追我避既玩法亦都OK,但想"星球大戰",或者當係起城起兵Game黎玩就唔適合。耐玩度我相信都唔低,玩過一局之後已經想再開,加上兩邊陣營完全唔同既指揮官,行動咭及勝利條件,新鮮既遊戲模式,每局隨機既起始位置等,唔會快玩得厭。

第一次玩遊戲有First Game Setup指示,可以用呢個指示黎熟悉遊戲,而我亦建議唔用Leader Action咭,甚至長遠都唔用以減少Downtime,我暫時會俾4.2-4.5分(5最高)

25-July-2016
第二次玩後感,今次既遊戲時間大大下跌,可能都係同對手有關,遊戲玩到第9回合左右完成,反抗軍勝利,時間連教學大約3個半小時,不過遊戲無用上Leader Card,以一個3個多小時可完的2人遊戲就真係可以為呢隻Game加返唔少分,今次我玩帝國希望盡快佔領更多的地去令反抗軍無處可逃,卻又忽略左反抗軍寧願堅守一地,帝國軍要從四處調兵更加困難,雖然已經確定反抗軍的基地,但反抗軍有策略地引誘我軍推進,拉長戰線令帝國難以集中火力擊敗反抗軍,令反抗軍成功從中取得唔小VP而勝出遊戲。遊戲兩個陣營的勝出方式似乎亦有不同的方向,期待下次用反抗軍!

以上的介紹只為略述,主要想介紹遊戲的核心玩法。
最後送上強大的反抗軍寫真:
▲那卜星,反抗軍基地…


▲一炮KO!

2016年4月1日星期五

Tide of Iron 史達林格勒會戰 : 土星行動

1941年12月蘇聯紅軍成功擊退莫斯科外圍的德軍,粉碎德軍5個月內敗亡紅軍的計劃。

德軍統帥部於是為1942年的攻勢改變目標,將以紅軍領袖史達林命名之史達林格勒(今伏爾加格勒)為目標,發動代號為藍色行動的攻勢。攻勢初期戰果豐碩,成功消滅30萬紅軍,德軍南方集團軍直指史達林格勒,希特勒認為,只要取下該城,德軍的燃料補給就可以得到保證,而且紅軍的生產基地被佔,將大大打擊紅軍的抵抗,為紅軍帶來致命一擊。

會戰初期,德軍複制大戰前期的戰術般,以空軍大力壓制地面部隊,為陸軍開路,然而,位處伏爾加河畔的史達林格勒,城市規模巨大,德軍的轟炸不旦未能令到紅軍放棄抵抗,反而令到德軍的機動戰鬥單位難以在熔爛的城市中有效展開攻擊,雖然德軍的攻勢最終取得大部份的城區,然而在一河之隔的城區,紅軍繼續動員渡河抵抗德軍,雙方在城區爆發消耗戰,雙方傷亡極大,據講,在攻防戰時,紅軍的新兵生存時間不到24小時,戰況十分慘烈。

直至1942年11月起,紅軍發動天王星行動及土星行動等,目標是圍殲城內的第六集團軍,當時的德軍已經不能與1941年時的實力相比,紅軍決定對城內的德軍發起最後一擊!

本文將揭示當時德軍死守史大林格勒的其中一部份戰況:
紅軍兵力:約1個步兵營,另加1個裝甲連,另有1個裝甲排及2個步兵排正前來增援。
德軍兵力:約1個步兵營,另加2個裝甲排,2個反坦克炮陣地。


▲紅軍一個分隊被分派消滅位於史達林格勒北城區的德軍,該區域共有8處戰略目標,包括城區指揮所,彈藥中心,補給中心,通訊中心等,紅軍兵分兩路,務求於10個回合內佔領該區中至少6個目標,斷絕德軍及後可能的反擊。


▲8個戰略目標,德軍守軍兵力不弱,士氣高昂,他們認為增援部隊好快就會到達,德軍指揮官亦希望以空間換取時間,在城中拖慢紅軍的推進,只要第10合回合結束時,紅軍未能控制8個目標中的6個,則德軍將會成功達到其戰略目標。


▲紅軍進攻初期,德軍在城內調防時的情況,圖中可見於1943年大派用場的豹式坦克(右),德軍特別加派少量測試型號以檢視其戰鬥力,另外亦有中堅裝甲力量,4號坦克及StuG反坦克炮。


▲紅軍首先進攻看似兵力不多的前沿目標,德軍以Pak 40反擊,蘇軍一架SU-122被擊毀,從後而至的4號坦克及StuG反坦克炮亦令蘇軍T-34進攻受阻,並未如預期般順利。


▲紅軍另一翼的進攻,德軍依城固守,雙方靠著建築物互相開火,德軍在此翼亦部署了3號及4號坦克,Pak 40等反坦克火力,紅軍的一架KV1重型戰車首先被集火攻擊,但未被擊毀。


▲紅軍攻擊一個德軍的反坦克炮陣地,德軍裝甲部隊四方湧至增援。


▲裝甲部隊掩護步兵推進,成功佔領德軍的反坦克陣地,奪取第一個目標,紅軍步兵對德軍坦克進行埋身攻擊,德軍裝甲部隊缺乏步兵支援下開始抵抗不住。


▲從德軍後方望去的前線戰況,第一個目標已被紅軍拿下,德軍開始動員後方預備隊上前增援,紅軍多架坦克被擊毀,未進入德軍腹地已經衝擊力大減,,其中測試型的豹式坦克最為卓越。


▲係另一翼,KV-1被擊毀,但T70坦克英勇地衝向4號坦克,以掩護後方的T-34坦克及步兵突破,最終擊毀德軍係此區的裝甲單位,並且與德軍進行反坦克陣地攻防戰。


▲及後反坦克陣地被攻破,但右邊的戰略目標-通訊中心仍然被德軍控制,而後面調動上黎既德軍豹式坦克及MG42重機槍組則壓制蘇軍的繼續前進,雙方係通訊中心週邊進行激烈的攻防戰,特別係德軍優秀的指揮,多次瓦解蘇軍發起的衝鋒。


▲此時德軍的防線開始後移,並調動MG42機槍組封銷紅軍的前進,紅軍為免傷亡不在大街移動只好在建築物中推進,令進度緩慢,左則翼的紅軍遲遲未能奪下德軍的通訊中心,德軍則在重機槍組掩護下向戰略要地增兵。右則翼則推進順利,雖然豹式坦克攔路,在不畏死的T34進攻下,其中一輛豹式被擊毀,步兵開始向中央區的地區指揮所推進。


▲右路紅軍繼續推進,步兵成功擊毀一輛3號突擊炮,而另一架4號坦克亦被鎖定。


▲同時紅軍已經進入地區指揮所清剿德軍,但德軍仍奮起堅守,寸步不讓,此時德軍的防禦可說是成功,因為到目前為止紅軍仍只能攻占1個戰略目標,而時間已經過左5個回合。


▲左路紅軍亦當然明白進度落後,加緊進攻德軍的通訊中心,但德軍抵抗實在頑強,在只有T70火力支援下未能有效壓止德軍的抵抗,德軍依然控制通訊中心,甚至得到過少量後方而來的支援。

終於在第六回合,紅軍的增援部隊到達,T34坦克及SU122坦克被調到中央突破中央區步兵則加強對通訊中心的攻擊,終於通訊中心失陷,紅軍左路正式突破,全線推進,德軍的重機槍組及殘兵退到兩條街之隔的補給中心防守,而德軍的另一組重機槍組則被坦克火力消滅,德軍已無力控制紅軍步兵的滲透。


▲中央紅軍繼續集中攻擊指揮所,後方的德軍都被調上協防,攻防戰再次上演,其中一次,德軍在指揮所只餘下3個士兵,卻仍然抵擋住幾波紅軍的衝鋒,得以挨到增援部隊的到來,令紅軍的進攻進度明顯落後。當時,此區的德軍總指揮官雖然仍被告知德軍援兵將會抵達,但他更明白當時的戰況德軍四面受敵,德軍基本上已經各自為戰,援兵不可能到來,但他仍然希望德軍不會被輕易擊倒,甚至真的可以等到援兵。於是,總指揮要求師部空降鐵十字勳章授與部隊們以提鎮士氣,師部同意。


▲紅軍以步兵的攻擊未能有效快速擊破德軍的指揮所,而德軍只要繼續保持落去,實會令紅軍的行動失敗,紅軍加緊腳步,派出坦克直接攻擊可能有隊友身處的建築物以消滅德軍抵抗,效果顯著,德軍在缺乏坦克部隊還擊下只能逐一被炮彈射殺,指揮所失守只係時間問題。


▲另一翼,大量紅軍步兵繼續向市中心方向推進,德軍被下令要死守補給中心,但兵力差距已經被嚴重擴大,已經無法有效阻止紅軍的進攻,在德軍指揮官的心目中,補給中心只係為著拖延時間,甚至乎中央的地區的指揮所亦然,德軍只希望可以保住地圖左下角的2個目標及右下的1個目標,就能拖死紅軍使其失敗。


▲中央指揮所的紅軍發起衝鋒,他們知道時間無多了,不能被此地拖死,必需盡快突破。


▲德軍後方已經沒有什麼抵抗能力了,紅軍已經深入到德軍腹地。


▲紅軍明白到時間無多,立即抽調部份精銳繞過指揮所突襲德軍在地圖左下方的2個彈藥庫據點,德軍發現後立即從後方調動一隊人馬上前阻止,在紅軍的側面,發現一輛豹式坦克,幸好,及時在遠處被2架T34坦克輪流射擊而嚴重損毀,未能阻止紅軍小隊的突進。


▲最後一名的德軍最終死於紅軍的槍彈下,在角落的SU-122強大火力支援下,指揮所最終陷落,目前為止,紅軍只佔有4個目標,時間只餘下1個回合,紅軍必需在本回合中取得額外2個目標。


▲餘下1個士兵的德軍仍然堅守補給中心,隨後被一湧而上的紅軍消滅,補給中心失陷,紅軍距離勝利尚餘1個目標。


▲最終,勝利女神繼續站在紅軍一方,紅軍的精銳部隊突擊德軍的彈藥庫,德軍的一名軍官逃出,但被後來包炒的紅軍擊斃,死於鐵路旁,終於,紅軍及時控制其中的6個目標,剩餘的德軍亦四散逃逸,紅軍獲勝!


▲紅軍最終獲勝,此戰,紅軍傷亡率為68%,而德軍則損失95%,而被答應空降的鐵十字勳章最終在失守消息確認後被取消。

整個紅軍的攻勢持續至1943年2月2日,被圍的9萬多德軍被希特勒要求不能撤退,堅守到底,最終德軍元帥決定率部投降,至此,納粹德軍敗亡紅軍的夢想幻滅,軸心國軍隊損失30萬人以上,蘇聯計同平民的傷亡亦達百萬以上,此戰亦令德軍在東線的主動權失去,德軍開始在東線轉攻為守,而紅軍的復仇之火才剛剛燃起,投降的德軍最終只有5千人回國,其他絕大部份死於集中營中。

10個回合的戰鬥約進行了5小時,當中的一些規則曾經修改過,本戰役劇本亦只係個人創作,遊戲本身並沒有此戰役劇本,紅軍出動的步兵戰位為25個小隊,T34坦克7架,KV1 1架,SU-122坦克2架,T70偵察坦克2架。德軍共有18個小隊防守,3架豹式坦克,4架4號坦克,1架3號坦克及1架3號突擊炮,遊戲使用了Tide of Iron + Stalingard + Fury of the Bear+Memoir' 44的 4號坦克及鋼架鐵絲網,如非第六回合增援的紅軍帶來新的裝甲德軍極有可能在此局中贏得勝利,遊戲中感受到依建築物防禦的重要性,城中建築物一層一層,好像永無止盡,紅軍裝甲部隊不能自由在城中進行支援,絕大多數的攻擊需要紅軍步兵不計傷亡去發起,史達林格勒會戰名乎其實係一個地獄熔爐。