2015年3月13日星期五

好消息

最近睇到2個好消息,第一個係Dead of Winter 既中文版 死亡寒冬 預計5月左右就可以推出,價錢只係大約$360,必買!


第二個消息係,Mansion of Madness 既大擴,Call of Wild 中文版 荒野之呼喚 亦似乎將進入製造階段。

今年買Game既預算會比較保守,大約買$3000內,一來上年買得比較多,二來位置都開始唔夠,三來我想比多D機會開多D 舊Game。

原本諗住今年會買既Game:
Dead Of Winter
Call of Wild
Battlelore 2E. 2個族既Army Expansion (中文未有聲氣)
Fief : France 1429
Cyclades Titans

以及如果出就會買既:
Talisman 中文細擴
Blood Bowl 中文二擴

Dead of Winter唔洗講,淨係睇中文版預訂既人數都咁多,一定會買,而且入手的話如無意外會取代類似遊戲Battlestar Galactica,特別係愈黎愈覺得太空堡壘賽隆人太易贏,失去再開既動力。

不過,Call of Wild 諗諗下都未必會入,唔係因為我唔鐘意MoM,不過諗起要拎晒兩盒棋出黎Set就有D頭暈,而且呢個擴既Size都唔細,未必有位收納了,所以就算出都未必會入。

而我最期待既就係Fief : France 1429 略略睇過介紹都幾岩口味,原本有諗過入Lancaster ,不過Fief 原素好似豐富D,好想快D玩。

當然如果見到D有夠得意好玩既Game都會出手既,暫時係咁先啦!

2015年3月1日星期日

Dungeonquest Rev. Ed. 地城任務

一行人得知弧山入面既地下城藏有大量財寶,並且要探得傳說中的阿肯寶石,但被愛財的魔龍「史矛革」看守,他們必需偷偷潛入位於地城深處的藏寶區,他們不旦要小心不要驚動魔龍,亦要計算時間以免入夜後魔龍睡醒,並且要提防同伴們見到財寶之後,出賣其他尋寶者!

咁似電影「哈比人」既?上面只要刪除當中的「史矛革」及阿肯,就係呢隻Game既背景囉!


一群冒險者得知地下城藏有豐富的寶藏,他們都自懷有不同的目的需要進入地城尋找寶藏,起始時,玩家當然要選擇其一成位你的角色。


六位角色可供選擇,右上角的數字係生命,左下角由上至下為:力量,敏捷,防禦,運氣。
每個角色都有不同既能力。

模型看不清?好的,拿去吧:


遊戲並無我所諗咁,如之為的版本,可以將角色用於Runewars 符文戰爭當中。(他們都是符文秘境故事為背景呢!)

選好角色後,要做一些設置,將各樣咭牌放到所屬既位置,將太陽標記放到開始的位置,另外將你的角色放到任一角位的地城入口。

共有12種牌,當中9種版圖已預留位置以供拿取。


符文牌,玩家選擇角色後就拿一張符文牌,一個額外的一次性技能,增加重複使用相同角色的多變性。


太陽軌,放置太陽標記至起始位置,每次輪到起始玩家都會向前移一格,當去到最後一格,任何未離開地下城的玩家都死亡!


準備出發!

遊戲主角:地城板塊。構成發達之路定地獄之門都係睇佢。

將地城板牌混洗,板塊有117個,有多種不同既環境,包括一般既房間,走廊,黑房,不同的障礙等:

輪到玩家時,一般來說,可以選擇的行動有2:
1) 移動 -> 選擇移動的位置 -> 抽一個地城板塊 -> 進入該位置並解決該位置的遭遇。
2) 探索(如可以) - > 效置一個探索指示物以標記該位置已被探索 -> 抽取一張探索咭查看你發現了什麼。

當移動時,玩家從地城板塊抽出一個,並將箭頭接著你出發的房間,當你進入該房間時,如該房間擁有一個黑色的地城標記,代表玩家需要抽一張地城咭,以代表你遇到什麼。
可以想像,在地城中冒險時可以發生的事都有機會遇到,可能平安無事,又或遇到一個已死去的尋寶者,又或遭遇怪物攻擊。所以,除了希望進入的位置本身安全外,亦要提防可能遇到的事。

▲選擇探索的玩家,抽取一張探索咭,可能會發現到小量財富喔。

▲藏寶的位置就在板圖的中央,注意時間速去速回!

▲成功對達中央寶藏區,梗係起勢挖寶,但要提防陰濕既魔龍突襲。

▲抽一張魔龍咭,感謝主,魔龍仍沉睡中,有人偷佢野都唔知蠢過隻豬,重唔快D偷兩件寶!?

▲寶藏牌,玩家拿取寶藏牌後會置於玩家前面,所有其他玩家都會知道其他玩家手持寶藏的價值,所以要偷幾多件寶要走亦要諗諗。而且寶藏既價值,有D都幾玩人架!

▲條龍係咪唔識醒牙?等我偷多轉先啦,OH SHIT!貪字得個貧,惡龍醒左,見到有個咁型既冒險者,有唔狂怒既理由咩?一野就將我K﹒O. 所有寶藏咭都會失去,並且俾佢打一野。

遊戲就係咁,拿取寶藏並需要及時逃出地城,持有最高總值的玩家獲得勝利。

各種遊戲咭,板塊效果種類,其他支節,為保持神秘感,不作詳細說明影相,留待有興趣玩家自已發挖吧。(希望唔好發現我係因為偷懶)俾住呢張你睇啦:

總結:
遊戲簡單,規則5分鐘講完,玩過幾次,Solo ,兩人,4人都玩過,每次都可以話唔到最後都唔知邊個會贏,我唔知係咪純粹咁岩,好多時佢多寶走唔到,早死既玩家重生後雖然可能唔夠時間去中央區,但玩家憑藉住堅定既意志,無比的決心,同幸運,又會俾佢搵少少錢出返去,一旁詛咒未出生天的玩家。

另外,入到中央區既玩家們又會因為怕蝕底,就算已經偷到寶藏都唔肯走住,大家不斷偷,偷到任一方膽怯,又或魔龍覺醒同歸於盡,大大凸顯財寶的誘惑,人既貪性,有睇過「哈比人」既話遇上呢個情況會更有感覺。

遊戲時間短,約1個小時內,流程簡單,不過部份咭,在不同既處境所抽的牌都易重復,略為減少歡樂感,不過遊戲既歡樂感,2-4人都遠好過Solo,歡樂既程度亦較我既想像高,我主要用黎玩完D長 Game後攝一攝,當然如果平時都係玩開D Party Game或者D短Game,呢隻都可以考慮,最大問題係只支援4個玩家。

就我而言我本身都有猶疑,不過最後都入手,反而較我想像要好玩,樂趣的構成包括:每次移動抽出的板塊是否有幫助進一步向住中央區定係死路?每次進入後又會發生什麼事?被怪物打到死死下到底繼續前進,走人定係自殺重生有利?抽寶的興奮感,以及遊戲中不斷檢視比較其他玩家持有的總值所帶黎既競爭感,以及時間無多既壓迫感,都係呢隻Game所帶黎既樂趣。

至於唔鐘意彩數運氣既玩家就可以唔洗考慮。

評分:★★★
策略:★
簡易:★★★★
耐玩:★★★
歡樂:★★
(5星最高)