2014年11月21日星期五

Starwars ARMADA + Fighter Squadrons Expansion

FFG係Gencon發佈既Starwars ARMADA 相信唔少Starwars迷都知道,小弟雖然唔係Starwars迷都覺得好吸引,特別係模型既Size更迷你,愈迷你小弟更難抗拒,Core Set除左3架較大既旗艦之外,亦都包括十個八個X-wing及TIE戰機群,呢d戰機群先最吸引我。

如今FFG係Core Set都未出街既情況下又再預告定Expansion,當中有唔少大隻既戰艦,但竟然將戰機群獨立售賣,真係知我心意!!大大加強我對呢隻Game入手既動機。


2個戰機群既Expanison,官網售各19.9USD,每盒入面包含8個戰機群,除左Core Set入面已經有既戰機外,亦各有3個新機種,如Y-Wing,TIE Bomber等等。


感覺上,Core Set + 戰機Expansion各1,場上兩個陣營的戰機群合共已經超過20,更可塑造出真正既星球「大」戰感覺,稍後再睇下佢既規則再決定是否入手。

圖轉自FFG

2014年11月19日星期三

魔戒 對決 Lord of the Rings The Confrontation



由9個人組成的遠征隊(Fellowship of the Ring)即將踏上一條險阻重重的征途,目標要將至尊魔戒帶進魔多在沒日火山將其消滅。而一代魔君索倫為左要奪回魔戒,派出其爪牙四處尋得遠征隊成員並消滅之以粉碎他們的計劃。


遊戲供二人遊玩,時間大約30分鐘內,視乎雙方對遊戲的熟悉,愈有心玩愈熟悉時間相對會耐D。


遊戲配件唔多,規則簡單,雖然有板圖不過仍然係一個小品。

▲遊戲中雙方分別扮演魔多索倫又或以彿羅多為首的魔戒遠征隊。

遊戲分為經典模式或變體模式,分別他們在於右下角的符號,魔戒符號代表經典模式,亦係算作入門級,角色就係魔戒中遠征隊的9個成員。而變體模式中,將有更多經典人物登場,如精靈愛隆王,洛汗國王希優頓等等。玩家可以在遊戲前選擇使用那個模式進行遊戲,甚至混合使用。

▲人物的Token會放入棋子中,背面刻有勢力圖案,份外有Feel。

▲開局時玩家將自已的9個角色置於靠近自已的區域,並跟據規則放置棋子,類似陸軍棋開局時的布陣,對方不會知道你的棋子是什麼角色。

▲遠征隊的勝利條件是任一成員進入魔多,則會獲得勝利!

▲至於魔多一方有2個勝利方式,第一個係索倫一方的任意3個棋子在夏爾,或第二個方式係擊殺彿羅多!

▲角色牌,正背兩面列出角色在經典以及變體的能力。

每回合玩家需要移動一個角色,並只能向前移動!部份角色可以左右攻擊,又或撒退時向後移動,又或直接攻擊一個單獨的角色,一些地區對遠征隊亦有特殊的移動方式,如礦洞。由於角色只能向前移動,故此並不會出現不斷左右行等待對方出手的情況,玩家要好好思考每一步。

▲不同的地點在地點名稱下方有不同數量的圓點,代表該區域可以容納的角色數量。分隔兩邊的中脈地帶只能容納一個角色。

▲一旦不同勢力的角色進入到同一格,即會進入戰鬥。

▲戰鬥前,遠征隊的角色永遠可先使用其角色的能力,之後結算索倫角色的能力,如上圖,彿羅多被攻擊可以向左右撒退離開戰鬥,如果索倫已經在其左右區域布下棋子,彿羅多則無法撒退,唯有與黑騎士一戰,而黑騎士的角色能力與戰鬥無關,所以就會進入出牌的階段。
玩家每人有9張手牌,遠征隊有戰力1-5的牌及4張文字牌,而索倫則有1-6的戰力牌及3張文字牌。玩家秘密選出一張打出,如果任一方打出文字牌則先結算文字效果,如果雙方同為文字牌,則索倫永遠先於遠征隊結算。如果同為戰力咭,則將戰力加到戰鬥中的角色,大者為勝,敗者被消滅,和亦一同戰死。

▲由於不同角色都有不同能力,玩家會有提示卡提示對方的角色能力為何,一旦手牌使用完將會重新拿回所有牌。

遊戲一直進行直至上述勝利條件出現,但如任一方玩家無棋可移動,亦告敗北。

總結:
遊戲係雙11特價時買入,只係$120,一直想買類似Stratego 類型既遊戲,見到咁抵就買入了,整體感覺唔錯,魔戒主題,加上棋子的造工都幾好,時間快,Setup時間短,一有時間就可以玩,小品二人遊戲黎講我都講唔出有咩特別既缺點,遊戲有唔少思考的地方,例如布陣時,移動時,出牌時,環環相扣,我相信呢個遊戲要玩得熟會更有趣味。

想搵D時間短,規則簡單得黎又要思考,捉錯路又或者對家明明勝券在握,關鍵時卻出現失誤時的爆笑情況,未到最後都未知誰勝誰敗。

評分:★★★
策略:★★★☆
簡易:★★★★
耐玩:★★★
歡樂:★★
(5星最高)

2014年11月17日星期一

2014年11月16日5人局

今日終於約夠人玩 Lords of Xidit 席迪特戰記

規則教學唔多,我自已估計5人局2個鐘內可完,但1點開都玩到接近4點,後期要考慮既位多左,重以為唔係太多諗,過程中3個玩家想搶餘下一個既法師,既想用Action去搶,又擔心用Action後比人搶左就浪費Action,都幾有趣。


遊戲的最終判定勝利方式對我黎講都幾新鮮,雖然都係跑分,但3項評分都要有取捨,小弟連第一項評級財富都過唔到,後續的評分如何已經唔重要,當然最好就3項都高分,但又點會咁易呢?


遊戲時間稍為略長,不過遊戲已備可選的快速規則,縮短小小遊戲時間,但我估計要考慮既時間相對更多。

之後有人加入,原本開Cyclades既計劃取消,就開下原本只係諗住Solo用既Arkham Horror,加入左黃衣之王擴充的部份元素。

上一次同太座2個人玩呢隻Game,第3個回合左右佢已經迷失於睡夢中。今次無佢份又會點呢?

今次準備覺醒既係猶格‧索托斯(Yog-Sothoth),初期覺醒既速度都好快,不過我地亦搵到好物,如可以每回合一次成員間傳送一件品既男侍,傳送至不同次元門的次元門寶箱,慢慢有進展。


遊戲中大量怪物湧現,愈黎愈多成員發癲或者失血過多送院治療,唔少麻煩既流言亦出現,並且係封印關鍵的第5個門之前搵到物品「遠古印記」,從覺醒前一刻將世界拉出地獄!4小時後最終成功封印,其他成員第一次玩就成功贏得遊戲!

▲Arkham Horror Dice Set 骰子,數字5及6劃有遠古印記,在正常情況下代表一個成功。